DILI - Tribunal Distrital
Dili iha loron Tersa, (22/05/2018) kontinua rona deklarasaun husi testamuna
sira, ba krime partisipasaun ekonomia, neebe deskonfia envolve husi eis
Ministra Justisa Lucia Lobato no arguida Helena Madeira Gomes.
Iha kontinuasaun nee, tribunal
kontinua rona testamuna Maia da Cruz Santa katak, iha momentu neeba hanesan
sekretaria, nia atende deit konaba atu marka audensia, maibe atu koalia asuntu
saida nia la hatene.
“Iha momentu neeba, hau hanesan
sekretaria bainhira ema balu presija atu koalia ho ministra, hau ba koalia hodi
marka audensia, maibe atu koalia konaba asuntu saida hau la hatene. Banhira
konvite ruma mai husi deiresaun tama iha neeba hau halo rejista, maibe hanesan
proposta sira hau la rejista, lori ba tau diretamentu iha menistra nia meza, ”
tenika nia iha sala julgamentu.
Nia hatutan, nia la iha
konesementu konaba rehabilitasaun prizaun Gleno no Becora, nia mos la akompana
ministra ba vizita prizaun sira, maibe konaba vizita hodi koalia konaba lei rai
nian, dala ruma nia mos akompana.
Audensia julgamentu nee, prezide
husi Juiz kolektivu Ana Paula, Jacinta Correia, Euzebio Xavier, Ministeriu
Publiku reprezenta husi Prokuradora Lidia Soares, Rogerio Viegas, Jacinto Babo,
arguida sira hetan asistensia legal husi Defensor Publiku.
Notisia kompletu lee iha jornal STL
edisaun Kuarta, (23/05/2018)
Terezinha De Deus | Suara Timor
Lorosae
Sem comentários:
Enviar um comentário