Partidu
prinsipal sira hosi opozisaun ho organizasaun sira hosi sosiedade sivil
timoroan kritika, iha loron-kinta ne'e, komentáriu sira hosi ministru Defeza ho
Seguransa ne'ebé sira akuza katak tenta politiza forsa sira seguransa nasaun
nian, iha momentu ida ho tensaun polítika maka'as.
Iha
kauza maka deklarasaun sira ne'ebé José Somotxo halo iha loron-tersa ba
jornalista sira hafoin hasoru malu ho Prezidente Repúblika, Francisco Guterres
Lu-Olo. "Bainhira akontese problema boot iha ita nia nasaun tanba
situasaun polítika, militar sira ho polísia sei la halo intervensaun, hodi
nune'e membru na'in 35 sira hosi Parlamentu [opozisaun] sira rasik bele rezolve
asuntu sira", nia afirma.
Komentáriu
sira ne'e hetan ona krítika, iha loron-kinta ne'e, hosi Congresso Nacional da
Reconstrução Timorense (CNRT), partidu boot opozisaun nian, ne'ebé iha
komentáriu badak ida ne'ebé publika iha iha nia pájina Facebook hodi konsidera
katak ministru "la entende nia kompeténsia sira no nia responsabilidade
sira".
CNRT
hatete katak Somotxo "hanesan laiha koñesimentu hosi separasaun sira kbiit
nian" ne'ebé ezisti entre órgaun oioin soberania nian.
Fidelis
Magalhães, xefe hosi bankada Partidu Libertasaun Popular (PLP) nian, hatete
katak Aliansa hosi Maioria Parlamentar (AMP) - bloku ne'ebé halibur forsa sira
opozisaun nian - estuda hela pozisaun komun ida kona-ba komentáriu sira ne'ebé
governante halo.
"Timor-Leste
hanesan Estadu ida direitu demokrátiku nian, ami hatene loloos responsabilidade
sira no funsaun sira hosi órgaun sira Estadu nian no knaar hosi órgaun
soberania ida-idak nian", nia afirma.
"Ami
lakohi atu politiza liután ita nia instituisaun sira Estadu nian, liuliu forsa
sira defeza no seguransa nian. To'o ona tempu hodi hapara intromisaun polítika
iha instituisaun sira ne'e", nia hatete.
Iha
mós krítika sira hosi organizasaun oioin hosi sosiedade sivil, entre sira maka
Fundasaun Mahein (FM) ne'ebé "kondena maka'as" komentáriu ne'ebé
"hanesan subentendidu sujere atu forsa sira seguransa nian atu dezisti
hosi nia responsabilidade hodi proteje povu Timor-Leste nian".
Konsidea
katak deklarasaun "fó responsabilidade ba seguransa públiku ba deputadu
na'in 35 hosi opozisaun" no karik hanesan "sujere katak tanba
lejislador sira ne'e la aseita programa Governu nian sira maka tenki kaer
responsabilidade ba konflitu polítiku ruma ne'ebé akontese".
"FM
senti triste bainhira rona ministru defeza ho seguransa ko'alia hanesan
seguransa populasaun ne'e hanesan osan ida troka nian hodi uza iha polítika.
Deklarasaun ida hanesan ne'e bele hamosu pániku no aumenta posibilidade atu
konflitu bele akontese duni", hatete iha komunikadu.
Lusa
seidauk iha posibilidade hodi ko'alia ho ministru Defeza no Seguransa.
Timor-Leste
agora daudaun hasoru nia momentu maka'as hosi tensaun polítika ne'ebé kuaze
tinan 10 nia laran ho opozisaun, maioritáriu, aprezenta iha semana ne'e
proposta sensura hasoru Governu.
Governu
minoritáriu apoia hosi deputadu na'in 23 hosi Frente Revolucionária do
Timor-Leste Independente (Fretilin) no deputadu na'in hitu hosi Partidu
Demokrátiku (PD) no iha loron 19 liubá hasoru ona proposta rejeisaun ida hasoru
nia programa.
Bainhira
proposta sensura ne'e hetan aprovasaun, sei demiti Governu no Prezidente
Repúblika, Francisco Guterres Lu-Olo, tenki hili entre solusaun governativu
foun ida iha senáriu atuál parlamentu nian ka konvoka eleisaun antesipadu sira.
SAPO
TL ho Lusa
Foto:
Somotxo, ministru Defeza ho Seguransa
Sem comentários:
Enviar um comentário