segunda-feira, 18 de setembro de 2017

Semana Ida Ne’e, Alkatiri Kompleta Estrutura Governu

DILI, (TATOLI) - Primeiru Ministru Mari Alkatiri promete sei kompleta estrutura Sétimu Governu iha semana ida ne’e hodi entrega ba Prezidente Repúblika atu halo tomada pose.

ʺSemana ida ne’e ha’u nia preokupasaun atu forma governu ne’e tomak para entrega ba Prezidente Repúblika para fó pose atu servisu ba programa governu nian hodi lori ba Parlamentu ho orsamentu ratifikativu no transizaun,ʺ Primeiru Ministru Alkatiri realsa iha Palasiu Nobre Lahane Dili, Segunda Ohin.

Nia dehan, tanba estrutura governu ne’ebé mak sei ki’ik kompara ho ida uluk, nune’e Nia presiza tempu atu haree didi’ak asunto ne’e antes entrega ba Prezidente Repúblika.


“Izemplu ida maka, Sekretáriu Estadu Komunikasaun Sosiál  sei akumula husi Sekretáriu Estadu Konselhu Ministru. ema ida de’it maka hala’o servisu ne’e no laiha rasaun ema na’in rua, ʺ Alkatiri esplika tuir mudansa organograma VII Governu nian.

Enkuantu, kargu Prezidente Autoridade Rejiuan Adminstrativa espesial Oecuse Ambeno no Zona Espesial no Ekonónomia Sosiál Merkadu, Arcenio Paixao Bano   mak subtitiu Mari Alkatiri.

ʺSubtitiusaun husi Sekretáriu Arcenio Bano Maka troka ha’u temporariamente to’o ita adapta fali estatuto RAEO no ZEESM,ʺ Alkatiri esklarese.

Hodi dehan tan, programa governu ba loron atus ida sei públika iha semana ida ne’e.

Hafoin segunda ohin, Primeiru Ministru Sétimu Governu ne’e halo enkontru ho Membru Governu sira iha palasiu Nobre Dili hodi hahú servisu iha loron da-huluk. Provizóriu membru governu ne’ebé mak ajuda PM Alkatiri foin Nain sanulu resin rua.

Jornalista: Agapito dos Santos | Editór: Manuel Pinto

Sem comentários: