sexta-feira, 22 de setembro de 2017

Oposizaun Labele Kontra Deit, VII Governu Konstitusional Iha Kualidade

DILI - Akademistas iha rai laran sujere ba oposizaun iha Parlamentu Nasional (PN) atu labele kontra deit VII Governu Konstitusional, tanba sira iha kualidade no hatudu interese nasional.

Tuir Akademista UNTL Camilio Ximenes hateten, Oposizaun lasignifika dehan kontra buat hotu hotu, oposizaun ema kolia dehan defende interese nasiona, tanba saida maka dehan interese nasional, tanba hadia povu nia moris.

Se Governu ida sae ba dehan halo Estrada haleu tiha foho tolu neebe maka iha Timor laran nee hanoin diak defende povu nia interese, entaun oposizaun labele kontra ida nee, naun ser Governu ida sae ba dehan ami atu lelaun kareta ida nee labele, laos oposizaun atu kontra buat hotu hotu, tanba nee atu kontra tenke iha solusaun, neebe kualidade Governasaun ida nee kualidade diak lahalimar, nia bele hatudu hodi responde interese nasional,” dehan Camilio ba STL, iha UNTL Caicoli, Dili, Sesta ( 22/09/2017).


Nia haktuir tan katak, Opoizaun nee tenke aprende, labele laman tiha atu ba tama hotu Governu, depois maka temi aan dehan oposizaun, tanba nee tenke halo servisu hanesan oposizaun, oposizaun duni.

Iha parte ketak membru PN husi bankada CNRT deputadu Jacinto Viegas hateten, Sai oposizaun laos oposizaun ida neebe gosta hakarak atu sobu no estraga deit, programa Governu nian bainhira aprezenta ba Parlamentu Nasional.

Entretantu Direitor ONG Gertak Faustinho Magno hateten, Partidu tolu neebe maka sai oposizaun iha Parlamentu Nasional atu halao knar hanesan oposizaun neebe maka kontruktivu, laos sai fali obtaklu ba Governu hodi atraza dezenvolvimentu iha rai laran, dehan Faustinho. 

Carme Ximenes/ Maria Lay | Suara Timor Lorosae

Sem comentários: