DILI,
(TATOLI) – Primeiru Ministru, Marí Alkatiri hateten lista membru governu
foun kuaze kompletu ona no semana oin sei simu pose, maibé, Prezidente
Repúblika maka sei anúnsia data serteja ba tomada pose.
Xefe
Governu hato’o informasaun ne’e ba jornalista sira iha Palásiu Prezidente
Nicolau Lobato, Bairu-Pité, Dili, ohin, hafoin enkontru ho Prezidente
Repúblika, Francisco Guterres Lú Olo hodi husu disponibilidade atu pose membru
governu foun.
Nia
informa, membru governu foun ne’ebé atu simu pose la’ós mai hosi partidu FRETILIN
no Partidu Demokrátiku maibé inkluzivu (hosi parte oi-oin). Hodi hatutan, Eis
Ministru Planeamentu Investimentu Estratéjiku, Kay Rala Xanana Gusmão kontinua
xefia Komisaun Konsiliasaun Delimitasaun Fronteira Marítima.
Marí
hatutan nia seidauk haruka lista membru governu ba Prezidente Repúblika tanba
balun seidauk priénse, maibé garante katak aban bele kompletu ona.
Kona-ba
programa governu bele pasa iha parlamentu ka lae, Sekretáriu Jerál FRETILIN
ne’e hatán, governu halo programa atu serbí povu ida ne’e, liu-liu atu hasai
povu hosi kiak no mukit no lori dezenvolvimentu ba to’o iha fatin ne’ebé
dezenvolvimentu seidauk tama. Tan ne’e, nia kestiona, bainhira deputadu sira
kontra programa ida ne’e, hakarak saida loos.
Jornalista:
Xisto Freitas | Editora: Rita Almeida
Foto:
Primeiru Ministru, Dr. Marí Alkatiri dadalia ho jornalista sira iha Palásiu
Prezidente Nicolau Lobato, ohin dadér.
Sem comentários:
Enviar um comentário