Pelumenus
hasai ona ema na'in 11.000 dezde loron-segunda ne'e hosi zona este hosi illa
indonéziu Bali tanba atividade hosi vulkaun Agung, maibé autoridade sira afirma
fali katak laiha perigu ba turista sira.
Diretór
informasaun hosi Ajénsia Nasional ba Jestaun Asidente sira nian, Sutopo Purwo
Nugroho, hatete iha loron-sesta ne'e iha deklarasaun sira ba Efe, ajénsia
notísia españól nian, katak númeru hosi ema sira ne'ebé hela besik iha vulkaun,
ne'ebé iha loron-segunda alerta aumenta hosi eskala 3 ba eskala 4, aumenta ba
na'in 50.000.
"Sirkula
publisidade ne'ebé maka'as, inklui informasaun falsu barak kona-ba aumentu ida
hosi nível alerta nian", responsável ne'e hatete iha komunikadu.
Ajénsia
hatete ona katak maioria hosi atrasaun turístiku, ne'ebé maka situa besik iha
vulkaun, no mós aeroportu internasional Ngurah Rai sei la afetadu hosi erupsaun
ida hosi vulkaun nian.
"Laiha
razaun hodi deskonfia ba seguransa hodi halo viajen ba Bali", nia garanti.
Autoridade
sira estabelese ona iha loron-segunda área seguransa ida besik kratera iha
entre kilómetru 06 no 7,5 no rekomenda ona ba populasaun sira hodi husik zona,
tanba rejista hela movimentu subteráneu no nakdoko vulkániku loron-loron.
Ajénsia
informa ona katak "nakdoko sira hanesan ho sira ne'ebé rejista iha
insidente anterior sira ba erupsaun iha Monte Agung iha tinan 1963".
Vulkaun,
ho aas metru 3.031 hosi tasi nia leten, tama iha erupsaun iha tinan 1963 no
1964 no halo ema na'in 1.100 resin mate.
Illa
Bali hanesan destinu turístiku prinsipal, ho movimentu mensal ida hamutuk
200.000 hosi turista estranjeiru sira, haktuir hosi informasaun ofisial sira.
SAPO
TL ho Lusa
Sem comentários:
Enviar um comentário