DILI
– Rezultadu eleisaun parlamentar hatudu Fretilin lidera iha primeiru
parte, maibe presija halo kolegasaun ho partidu seluk hanesan PLP nunee iha
sentidu estadu hodi hadia rai no povu.
Maske
iha kampania eleitoral direjente partidu PLP no Fretilin mosu diferensia idea,
maibe rejultadu eleisaun hatudu partidu 2 nee la iha ida manan maioria
absoluta.
Nunee,
iha oportunidade atu mosu koligasaun hodi kria VII governu konstitisional ba
periodu 2017-2022. Tamba nee, tuir jurista Manuel Tilman hateten ba STL katak
lider rua nee kuandu halo koligasaun sigfika iha sentidu estadu neebe boot ba
rai no povu nee.
Hau
apoiu no kontenti wainhira Mari no Taur forma guvernu, tamba nuudar eis
prezidenti no eis primeiru ministru iha sentidu estadu,” dehan Tilman iha nia eskritoriu
Pantai Kelapa Dili, Tersa (25/07/2017).
Eis
deputadu nee mos esplika ba STL, Maibe presija tan partidu seluk hanesan PD ka
Khunto atu nunee bele prense mayoria parlamentar. Tilman realsa liu tan, kuandu
forma duni governu sei sai ezemplu boot ba iha mundu katak demokrasia lolos mak
nunee duni no lori duni mudansa ba povu TL.
Iha
fatin ketak tuir akademiku Camilo, se partidu Fretilin mak halo koligasaun ho
partidu PLP, PD asegura ona 38 iha Parlamentu Nasiona neebe mak asegura ona
programa Fretilin nian iha periodu iha tinan 5 nia laran. Domingos
Piedade/Natalino Belo
Suara
Timor Lorosae
Sem comentários:
Enviar um comentário