DILI,
(TATOLI) – Prezidente Repúblika, Francisco Guterres Lú Olo hatete sei buka
kontaktu ho partidu politíku lima ne’ebé hetan asentu iha Parlamentu
Nasionál hodi forma setímu governu konstitusionál.
Xefe
Estadu hato’o planu ne’e liuhusi Primeiru Ministru, Rui Maria de Araújo
hafoin relata rezultadu eleisaun ba Xefe Estadu iha Palásiu Prezidensiál Bairo
Pit, ohin.
Rezultadu
eleisaun laiha partidu politíku ida maka manan maioria atu forma governu, tanba
ne’e obrigasaun Xefe Estadu atu kontaktu partidu Frente Revolusionariu
Timor-Leste Indepéndente (FRETILIN), Kongresu Nasionál Rekonstrusaun Timor
(CNRT-sigla portugés), Partidu Libertasaun Populár (PLP), Partidu Demokrátiku
(PD) no Kmanek Haburas Unidade Nasionál Timor Oan (KHUNTO).
“Prezidente
hato’o ba governu planu durante semana hirak oin mai, tanba tuir konstituisaun
prezidente maka sei ko’alia ho partidu politíku ne’ebé hetan asentu iha
parlamentu atu iha semana sira mai bele forma governuʺ, dehan Xefe Governu.
Tuir
planu, Xefe Estadu sei kontaktu lidér partidu polítiku lima ne’e hafoin
rezultadu apuramentu fó sai iha tempu besik.
Lei
hatete, Prezidente Repúblika iha tempu loron 30 atu kontaktu ho partidu
polítiku sira ne’ebé hetan asentu iha parlamentu hodi forma governu antes loron
22 fulan-agostu 2017.
Hodi
Governu nia naran, fó parabéns ba povu tanba fó ona konfiansa ba partidu
politíku lima atu servisu hamutuk ba konstrusaun Estadu no Nasaun.
“Parabéns
ba partidu hirak ne’ebé hetan kadeira iha parlamentu, parabéns mós ba partidu
FRETILIN ne’ebé mais votadu no hato’o mós parabéns ba partidu hirak ne’ebé
la-ultra pasa bareira maibé kontribui maka’as ba prosesu demokrásia ho di’akʺ, tenik.
Líder
Governu ne’e iha konfiansa partidu lima ne’e sei buka meius atu forma
governu ho di’ak, nune’e governu atuál bele entrega ona kna’ar ba governu foun.
ʺHa’u
mos informa kona-ba preparasaun sestu governu konstitusionál nian atu entrega
dokumentu importante balun hanesan relatóriu servisu nivél ministériu ida-idak
ba governu founʺ, hatutan tan.
Jornalista:
Agapito dos Santos | Editora: Rita Almeida
Foto:
Primeiru Ministru, Rui Maria de Araújo hetan intervista hosi jornalista sira.
Foto mídia GPM
Sem comentários:
Enviar um comentário