segunda-feira, 24 de julho de 2017

KHUNTO Prontu Halo Koligasaun FRETILIN CNRT

THETIMORNEWS.com DILI – Partidu Kmanek Haburas Unidade Nasional Timoroan (KHUNTO) prontu no hakarak halo koligasaun FRETILIN ho CNRT hodi forma governu foun  2017-2022.

Adjuntu sekretariu jeral KHUNTO Luis Robertu da Silva hatete, hanesan partidu ne’ebe foun  prontu halo koligasaun bo’ot hanesan FRETILIN no CNRT karik sira bolu.

“Ami hein deit  partidu FRETILIN hanesan ami nia aman no CNRT hanesan ami nia maun konvida hakarak halo koligasaun hodi  forma governu foun ami prontu” dehan  Luis ba THETIMORNEWS iha nia rezidensia Fomentu Dili,  Segunda (24/07/2017).

Tanba  KHUNTO hetan kadeira 5 partidu refere, sei kumpri  promesa ne’ebe hato’o   ona ba povu sira liu husi komisiu politik  durante iha tempu  kampaina sei kria kolisaun no televizaun hodi oferese ba povu iha teritoriu.


Nia hatutan, dalabrak ema balun interpreta sala hatete  KHUNTO mai husi grupo  no rasa maibe  hakarak mosu atu haburas unidade nasional iha Timor-Leste.

Alende ne’e nia lori estrutura partidu nian hotu, hato obrigadu tanba  bele  fo konfiansa on aba KHUNTO hodi hakat liu bareira 4% asentu parlamentar.

“Nudar ami hanesan lideransa hato ami nia parabens ba militantes  simpatezantes no apoiantes iha teritoriu” dehan nia.

The Timor News | By:Fidelio Ramos | Editor: Hortencio Sanches

Foto: Adjuntu Sekjer KHUNTO Luis Robertu da Silva, photo: TTN/Fidelio Ramos

Sem comentários: