quarta-feira, 26 de julho de 2017

CNE Halo Apuramentu Akta Nasional 72 Oras

DILI – Comisaun Nasional Eleisaun (CNE) halo apuramentu akta nasional durante 72 oras, ou durante loron tolu nian laran, tanba akta apuramentu Munisipiu, RAEOEA no diaspora tama ona iha apuramentu nasional. Akta Apuramentu Munisipiu diapora hamutuk 15 tama ona iha fatin apuramentu nasional hahu iha (23-24/7/2017).

Prezidente CNE Alcino de Araujo Baris ba Jornalista sira iha CNE  Caicoli Dili, Tersa (25/5/2017).
Tuir Alcino katak akta sira nee mai husi Munisipiu Aileu, Ainaro, Baucau, Bobonaro, Dili, Covalima, Ermera, Lautem, Liquica, Manatuto, Manufahi, RAEOA-Oecusse, Viqueque, no husi diaspora Australia no Koreia du Sul.

Prezidente CNE nee, informa katak akta neebe seidauk tama iha apuramentu nasional mak husi diaspora, Inglatera no Portugal. Bainhira akta sira nee tama hotu, CNE sei hahu prosesu apuramentu nasional ho prazu oras hitu nulu resin rua nia laran ou 72 oras.


Alcino, esplika objetivu husi apura mentu nasional nee mak 1.  Verifika diskripansianumerika iha akta sentru votasaun no akta apuramentu Munisipiu nian, 2. Foti disizaun ba buletin de votus reklamasaun sira, no 3. Analiza no fo resposta ba keixa ho reklamasaun sira neebe mosu durante prosesu votasaun no kontazen.

Alcino, salenta katak iha apuramentu nasional CNE kria rasik sistema tabulasaun hodi bele fasilita prosesu apuramentu.  Liu husi sistema refere bele kalkula atribuisaun kadeira automatiku no bele asesu online liu husi website CNE nian WWW. Cne.tl.

Nia krasenta katak, baze legal lei numeru 9/2017 Artigu 48 CNE simu akta apuramentu Munisipiu ho apuramentu estranjeiru,  prosede  iha oras 72 hodi konere akta sira husi Munisipiu ho estranjeiru no foti desizaun definitive ba bulletin votus reklamadu ho reklamasaun sira.

Dekretu governu 21/2017 artigu 54 iha prazumaximu oras 72 depois de simu akta sira husi apuramentu rejional, Munisipal ho estranjeriu, CNE prosede apuramentu nasional, konfere akta, desidi bulletin votus no publika rezultadu definitive husi eleisaun jeral.

Prezidente CNE nee krasenta katak tuir malae sira ka observasaun Internasional sira katak Sistema neebe mak “ita uza iha eleisaun mais konesidu iha mundu” nomos atendementu diak sira sei loke iha akta sei dehan kedas iha reklamadu hira. No nulu hira no votus validu hira ho nia detail iha akta nee esplika, nee husi Munisipiu, tanba CNE la kaer resultadu neebe STAE fosai. Maibe CNE kaer nafatin centru votasaun neebe Munisipiu hatama, nunee CNE sei teste fila fali los kalae, tanba nee fiskais partidu politika sira atu akompana dadus sira nee tama los ka lalos. Augusto da Costa

Suara Timor Lorosae

Sem comentários: