Laiha Konsensia, Difisil Kombate Lixu

DILI - Atu hahilas Sidade Dili nian furak presiza kontribuisaun masimu husi komunidade kona-ba kamoos (kebersihan). Maibe, too agora konsensia komunidade kona-ba kombate lixu sei minim nee duni susar atu hahilas Sidade Dili nia furak.

Liahirak nee hatoo husi Xefe Suku Fatuhada Marcelino Soares ba STL iha nia knar fatin Sede Suku Fatuhada, Segunda (27/3/2017).

Tuir Marcelino katak, bainhira sidadaun laiha konsesia ida nee difisil atu kombate lixu neebe mak oras nee kontinua naklekar.

Atu resolve problema lixu iha kapital Dili sidadaun sira tenke iha konsesia. Tanba konsesia nuudar save hodi bele kombate lixu neebe dadaun sai preokupasaun.

Ita kuase laiha konsesia ba kestaun lixu tanba ida nee kauza husi mentalidade neebe lakopera. Exemplu simples ema ida bainhira han buat ruma ninian rstu ka fatin mamuk soe konforme tuir nia hakarak tanba nee mak difisil kombate lixu,”dehan nia.

Nia hatutan maske governu planu ona iha tempu ruma Timor-Leste mos bele sai hanesan nasaun neebe mos ka limpu hanesan mos nasaun seluk. Maibe, ho mentalidade sidadaun nian kontinua nunee ida nee difisil atu alkanza planu neebe governu planeia ona.

Iha sorin seluk Xefe Saniamentu Munisipiu Dili, Domingos Suriano dehan, ekipa Saniamentu   pronto iha kualker loron hodi fo diak ba ita nian sidade liu husi hamos maibe parte komunidade mak   lakopera.

Ita hakarak sidade Dili nee mos maibe ita nian maluk sira neebe hela iha Kapital Dili mak ladun kopera ho parte saniamentu ida nee mak sai desafiu ba ita,”katak Domingos.

Nunee mos  deputadu Paulino Monteiro dehan,  Dili nuudar kapital nasaun, tan nee  presiza ita hotu nian responsabel atu livre husi lixu maka sidadaun tenke iha konsesia ba soe lixu , no tenke iha mentalidade neebe maka diak hodi ita nian sidade Dili bele mos. Natalino T.da Costa

Suara Timor Lorosae