ANIVERSARIU PNTL DALA 17, CESAR VALENTE: PRESIZA HADIA SERVISU PNTL

Reprezentante povu iha uma fukun Parlamentu Nasional (PN), Cesar Valente ne’ebé trata asuntu  Defesa no  seguransa hateten katak, ho loron  aniversariu Polisia Nasional Timor Leste (PNTL) ba dala 17 ne’e komando jeral PNTL presiza hadia buat barak iha institusaun refere.

“Ita nia Polisia Nasional Timor Leste  27 marsu (ohin) ne’e aumneta tan tinan ida ba institusaun ne’e buat barak presiza duni sira hadiak liu liu komando jeral hau hatete bebeik ona katak tenki seriu foti desizaun, foti desizaun labele hare ba ema nia oin labele koali hakruk hateke ba sira nia mata laran mak koalia tanba ne’e institusaun estadu  laos sira nia privadu nebe  labele husik iha ema balun kleur demais iha departementu balun hodi halo institusaun ne’e sai tiha fali fatin ida nebe ema hotu hotu hare hanesan buat ida nebe halo sidadaun sira la tau fiar institusaun ne’e “ informa Deputadu Cesar valente ba Jornalisita sira iha PN, Sesta (24/3/17)

Nia hatutan, PNTL hanesan institusaun ida ne’ebe determinante tebe-tebes ba liberdade sirkulasaun sidadaun hotu- hotu nian atu garante sidadauk hotu hotu nia vida tuir lei oan sira iha konstitusaun nia laran.

”Ha’u hatete hanesan ne’e tanba iha institusaun siguransa nia laran iha blokus bara barak iha neba depo ita rona iha mos  grupus balu afilia ba halo fali servisu artemarsiais buat hirak ne’e ba kotuk ita rekonese hanesan sala ida nebe mak ita hadia husi ne’e ba oin katak lisaun ida kotuk ne’e labele kontinua eziste nafatin iha oin tenki hadia , hadia husi nebe milora memebru hotu hotu nia konesemntu ba atendementus poblikus labele uza fali fasilidade Estadu ninian hodi ba ameasa povu hanesan foin lalais akontese iha Darelau iha memebru BOP lori armas ba ameasa sidadaun iha neba ne’e laos forsa siguransa ida nebe professional “ hateten deputadu Cesar.

Atu minimize hahalok nebe mak membru seguransa sira hatudu iha institusaun PNTL durante ne’e Deputadu Cesar husu  ba Komando jeral  PNTL iha loron selebrasaun PNTL nia ba dala XVII ne’e hato’o diskursu  liafuan nebe mak kontraria ho vontade at hirak.

“selebrasaun ne’e komando bele fo diskursu karik koalia buat ruma nebe mak kontraria  ho vontade at hirak ne’e ho pesamentu hirak nebe hakarak tamba deit polisia uza fali hahalok nebe sei joven ninian ba kontinua hodi estraga institusaun siguransa ninia “ nia sujere.

Iha sorin seluk, Deputadu Pedro da costa husi bankada CNRT, gava servisu Polisia Nasional Timor Leste (PNTL )ne’ebé mak ho tinan barak  forma institusaun refere atu garante paz, seguransa ba povu Timor Leste.

“Loron PNTL loron ida ne’ebé ke ita tenki komemora ba ha’u gava servisu PNTL ne’ebé ate agora mesmu ke ho tinan barak nia forma istitusaun ida ne’e ho fou foun ho ema oituan depos nia aumenta tan nia ema sira atu haforsa sira nia isntitusaun habelar ninia servisu ba  to’o ona iha municipiu sira to’o iha fronteira sira tomak hau senti buat ida ita tenki fo orguilu mesmu sei falta ekipamentus no memebru balun dala ruma indisiplanar oituan maibe esforsu bot ida ne’ebé PNTL ho F-FDTL sira nain rua servisu hamutuk  garante pas siguransa ba ita nia povu durante ne’e,” nia esplika.

Deputadu ne’e rekomenda ba Komando jeral PNTL nian ba oin presiza kompleta tan ekipamentu  iha institusaun PNTL nia laran atu ba futuru bele ajuda  servisu PNTL nian.

“Ita senti katak paz, seguransa ita senti ona dadauk mesmu nia estrutura ne’e sei joven sei iha formasaun oinsa maka hadia institusaun ne’e ho treinamentu ke oinoin neb eke ita iha ho kapasidade nebe ita kompleta tan ekipamentus sira nebe keiha estadu nian direitu dever ida hadia tan ekipamentu sira ba futuru ita nia PNTTL ne’e sai professional duni,”dehan Pedro da Costa.car

Jornal Nacional Diário