quinta-feira, 2 de fevereiro de 2017

PM husu kombate sistema rekrutamentu familiarizmu ba funsionariu estadu

DILI----Primeiru Ministru, Rui Maria de Araújo rekoñese Timor-Leste nu’udar nasaun ne’ebé foun sei iha limitasaun rekursu umanu tanba ne’e husu ba Ministériu hotu atu halo rekrutamentu servisu tenke tuir lei no tenke rekruta ema ne’ebé iha kapasidade, badinas no servisu ho kualidade hodi fó vantajen ba nasaun. Xefe governu ne’e hateten nia parte la gosta sistema familiarizmu mosu iha parte rekrutamentu ba funsionariu sira ne’ebé atu servisu ba estadu no nasaun.

“Ha’u nia instrusaun ba komisaun instaladora, Meritu ne’e importante ne’e signifika imi hotu hatene ha’u ema ne’ebé maka la gosta liu servisu familiarizmu, tanba ema atu servisu la’ós tanba de’it nia primu nia maun nia laen ne’e la iha, I muitu menus ba ha’u nia partidu, buka ema ne’ebé maka servisu iha duni esperénsia iha vontade ba servisu nasaun nian, karik se maka rona buat ne’e akontese halo favór hato’o mai ha’u,” Apela Primeiru Ministru Rui Maria de Araújo, iha nia diskursu, bainhira asina auto karta de Intrega servisu IAE ba AIFAESA, iha edífisu IAE Matadoru, Kuarta (01/04).

PM rui hatete ida ne’e tanba Autoridade de insepecão e fiscalizacão da atividade ekonomia, Sanitariu e alimentar (AIFAESA) ne’ebé toutela iha gabinete Primeiru Ministru kuandu la’o di’ak sei halotan rekrutamentu ba ema barak. “Iha fatin ne’e ha’u atu dehan, ba tinan ne’e ita sei iha vaga kuaze 55% de’it tanba ita haree ba iha ita nia kapasidade orsamentu, maibé kuandu iha tinan oin iha mudansa ba orsamentu ona ita sei haree liu ida ne’e, maibé ita mós tenke haree liu ba ema nia kapasidade vontade ninian, no ita mós la bele buka familiarizmu.” Tenik PM Rui.

Nia hatutan, ba ema hotu ne’ebé maka atu halo servisu tenke iha koñesementu báziku, no tenke iha vontade aprende hodi hala’o servisu, nasaun Timor -Leste ne’e estadu demokrátiku Signifika direitus arkiritus, ne’e Timor-Leste labele sakrifika. “Ita tenke rekoñese katak rekursu umanu iha Timor-Leste ne’e iha limitasaun portantu ba ema ne’ebé mak nunka servisu iha area ida ne’e fokus rekurtamentu ne’e tenke haree potensialidade ne’ebé atu aprende ne’e nusa, potensialidade atu bele servisu iha area ne’e oinsa, ida ne’e importante,” dehan Primeiru Ministru.


Nia konsidera dezenvolvimentu Timor-Leste sei hanesan prosesu konstruksaun, tanba ne’e husu ba timoroan hotu atu servisu didi’ak ho kualidade hodi hakbiit dezenvolvimentu iha rai ne’e liu liu iha área ekonomia nian. “Ita nia nasaun Timor-Leste ne’e ita sei iha faze prosesu dezenvolvimentu konstrusaun, tanba ne’e se ita bele atu halo di’ak ba ita nia nasaun, husu ita hotu atu servisu ho kualidade, servisu di’ak, atu nune’e dudu ita nia nasaun ne’e ba oin ho esperénsia dezenvolvimentu liu liu iha ekonomia ninian.” dehan PM Rui Maria de Araújo.

Nia hatutan, ba servisu tomak ne’ebé maka atu halo di’ak ba nasaun tenke mai ho servisu ida ne’ebé maka di’ak, badinas ho vontade, la’ós atu presiza ema ne’ebé maka iha ideál ne’ebé maka di’ak. Nune’e mós tuir nia, bainhira TL ema ne’ebé ideál atu halo servisu entaun to’o oras ne’e TL seidauk bele ukun án, maibé tanba de’it buka ema ne’ebé maka iha vontade kualidade entaun bele fó vantajen dudu kreseimentu ekonomia dezenvolvimentu Timor -Leste ida sai di’ak. Nia afirma, dezafiu konstrusaun nasaun ninian ne’e presiza kualidades balun, primeiru mak kualidade, vontade aprende tanba buat hotu presiza aprende.

Tan ne’e, nu’udar Primeiru Ministru, husu atu ema hotu liu liu kada Ministeriál tomak atu hala’o servisu ne’ebé maka di’ak, no labele mo’e no atu husu hodi halo servisu, hakbiit nasaun nia dezenvolvimentu ne’e rasik. “Ha’u hanoin ita hotu sei hanoin lia fuan ho lian bahasa Indonézia ninian hatete katak, Malu Bertanya sesak di jalan ne’e inportante tebes, tanba ema ida labele hatene liu ema seluk, no ema ida labele hatene liu buat hotu hotu tanba ne’e presiza rona malu tulun malu kompleta malu hadi’a servisu ba nasaun nia futuru moris di’ak nian. ” tenik nia. (BT)

Business Timor

Sem comentários: