CE: Britániku sei selu fatura "karun tebes" tanba nia desizaun hodi hasai Reinu Unidu hosi UE

Prezidente Komisaun Europeia (CE) nian, Jean-Claude Juncker, hatete ona, iha loron-tersa ne'e, ba sidadaun britániku sira katak sei selu fatura ida "karun tebes" tanba nia desizaun hodi hasai Reinu Unidu hosi Uniaun Europeia (UE).

"Ema britániku sira tenki hatene katak ['Brexit'] sei laiha folin ki'ik ka folin zero, tenki respeita kompromisu sira ne'ebé konfeksaun iha partisipasaun", Juncker hatete iha diskursu ida ne'ebé nia halo iha Parlamentu Federal belga.

"Tanba ne'e, bele hatete tuir dalan ida ladún komun katak fatura sira sei karun tebes", nia hatutan.

Juncker afirma ona katak "sei hanesan negosiasaun susar ida" no sei lori "tinan barak hodi hetan akordu kona-ba modalidade sira saída nian no kona-ba arkitetura futuru hosi relasaun sira entre UE ho Reinu Unidu".

Polítiku luxemburgés husik loloos katak Europa "labele kontrui hasoru nasaun sira. Sira ne'ebé imajina katak nasaun sira hanesan invensaun provizóriu ida hosi Istória, sei hatene katak nasaun sira iha hodi dura, iha sira nia deklinasaun oioin".

"Iha nível nasional ida, iha nível federal ida, iha nível rejional ida", afirma ona hodi konsidera katak "iha tinan 20 oinmai, kompetisaun loloos sei la akontese entre Estadu sira, maibé entre rejiaun sira".

Juncker hatete katak 'Brexit' hanesan krizi ida ne'ebé "kona ba ema hotu" no senti deziluzaun tanba iha nasaun sira ne'ebé konsidera katak asuntu ne'e rezolve tiha ona, nia garanti katak: "seidauk ida".

"Bainhira primeira-ministra británika [Theresa May] haruka mai ami nia karta divórsiu nain maka sei hahú negosiasaun sira. Ami iha tinan rua hodi negosia modalidade sira saída Reinu Unidu nian hosi UE", nia afirma.

Juncker hatete katak sei sai nasaun ida "ne'ebé la'ós ladún iha importánsia" maibé "hanesan atór europeu loloos ida", no ne'ebé tenki buka akordu ida "la'ós ho sentimentu hostilidade nian, maibé ho hanoin katak kontinente deve maka'as ba Reinu Unidu".

"Lahó [Winston] Churchill ita sei la hamutuk iha-ne'e, ita labele haluha, maibé ita labele hanesan mós hanesan inosente", nia afirma.

"Atu ita nia belun britániku sira komprende katak ita sei la'o ba oin hodi dezenvolve integrasaun europeia (...) hodi afirma fali lasu sira ne'ebé iha entre ita", nia hakotu.

SAPO TL ho Lusa