DILI
(ANTIL) - Misaun Estadus Unidus Amérika (EUA) sei dezenvolve futuru hamutuk ho
Timor-Leste. Asaun EUA ne’e realiza, aban, Sabdu (21/01),liu hosi espozisaun
neb’e sei halao iha Timor Plaza.
“Misaun
Estadus Unidus Amérika iha Timor-Leste sei organiza ninia espozisaun annual
2017 entituladu “Amérika ho Timor-Leste Hamutuk Dezenvolve Futuru” hahu tuku 9
dader iha Timor Plaza,” Rosario Maia, Media Specialist informa ba ANTIL
iha Embaixada EUA, Praia dos Coqueiros, Sesta (20/01).
Nia
explika, objetivu hosi expozisaun ne’e mak atu hatudu kompromisu EUA ba
dezenvolvimentu Timor-Leste nian no atu hametin liu tan lasu amizade entre povu
Amerikanu no Timor oan sira.
Iha
expozisaun ne’e hamutuk ho parseiru sira, sei hatudu Baraka ou stand 19 ne’ebé
individualmente sei fó sai konabá projetu diferente sira inklui projetu hosi
Forsa naval Estadus Unidus no Korpu ba Paz nian iha nasaun ne’e.
Expozisaun
ne’e mós sei hatudu EUA nia sentru kultural no informasaun foun ne’ebé mak foin
lansa no Education USA (Dedikadu atu promove programa estudu iha EUA
no programa interkámbiu sira) no ikus liu mak baraka ida ne’ebé sei fasilita
ita nia interasaun ho sidadaun Amerikanu sira ne’ebé hela iha Timor-Leste.
Entertantu,
atu oferese informasaun ba bainaka sira, baraka ida-idak planea ona
atividade iha baraka sira no iha mós sentru espozisaun nian.
“Ami
sei organiza atividade divertidas durante loron tomak atu diverte públiku
ne’ebé sei inklui fahe prémiu ba dada rifa no atividade seluk,” Rosario Maia haktuir. (Jornalista: Manuel Pinto/Editor: Alberto ALves)
Sem comentários:
Enviar um comentário