quinta-feira, 5 de janeiro de 2017

Maria Vitoria hanesan Embaixadora múzika ba timor oan hotu

DILI (ANTIL) - Prezidente Komisaun Organizadora, Esmenio Borges,  iha konferensia imprensa neb’e halao iha salaun VIP Aeroportu Internasional Presidente Nicolao Lobato, Kinta (05/01/2017) hato’o benvindu ba Maria Vitória alias MarVi no nia Pai hodi naran komisaun organizadora, artista hotu ho laran haksolok simu MarVi ne’ebé sai nu’udar embaixador muzika.

“Ha’u bele dehan katak Marvi hanesan ona Embaixadora múzika ba ami timoroan hotu. Ho ida ne’e, ami rasik organiza, halo ona ami-nia programa ida ho voluntáriu servisu hamutuk ho Sekretaria Estadu Juventude no Desportu no Sekretaria Estadu ba Apoiu Promosaun Sósiu-Ekonómika Feto no Vise-Ministra Edukasaun no Rede Feto ho programa konsertu ida iha CCD-Merkadu Lama”.

Nia dehan, sira hotu fó suporta no orgullu tebes ba MarVi tanba hanesan inspiradór ba ema hotu, nun’e mos fo motivasaun ba alin ki’ik sira iha loron aban-bainrua sei tuir. Marvi nia dalan hanesan kantór di’ak ida ne’ebé koñesida iha Timór Leste, Indonézia no ASIA.

Sekretáriu Estadu Juventude no Desportu, Leovigildo Hornai hatete, povu tomak no família Maria Vitória (MarVi) ho espíritu volutáriu no dedikasaun tomak, pasiénsia hodi hein iha loron-manas iha aeroportu to’o iha Bekora nune’e agradese ba Maromak ba buat kmanek ne’ebé iha.

Leovigildo hato’o mós parabéns no benvindu ba Marvi hodi Governu nia naran hamutuk ho na’i-lulik, inan-aman tomak, diretór eskola ne’ebé orienta no eduka MarVi, komisaun organizadora no parseiru sira, artista nasionál Timor-Leste tomak, organizasaun DEJDUKIL, Konsellu Nasionál, Rede Feto, ETO ho entidade hotu, media sira, Ministériu Negósiu Estranjeiru, ohin hahú simu ho onra, ho dignidade ba nia eroína foun naran Marvi. (Jornalista : Maria Auxiliadora/Editor : Alberto Alves)

Foto: Secretario de Estado da Juventude e Desporto e Maria Vitoria na Conferencia de Imprensa no Aeroporto de Comoro

Sem comentários: