FRATER DONANCIO MOUT IHA TASI, FAMILIA NO SARANI ILIOMAR SENTI LAKON

Familia bo’ot husi knua Lorasa no sarani Iliomar, Posto Administrativu Iliomar, Munisipiu Lautem senti lakon ninia jerasaun diak, Frater Donancio Rosa Fernandes  ne’ebe mout iha Tasi Alfanit-Iliomar, iha oras tuku 14:00 Otl loron 01 Janeiro 2017.

Matebian frater Donancio ninia mate isin familia hetan hikas iha Ira Liurai partensi Sen-Lor, iha oras kuaze tuku 14:10 Otl loron 03 Janeiro 2017 hafoin familias no joven sira buka durante loron 2 nia laran.

Matebian durante ne’e iha Seminario Maior Fatumeta-Dili, sai frater tinan 3 tiha ona, sai esperansa ba familia no sarani Iliomar sira, atu tempu besik mai ne’e sai bibi atan Maromak nian, ne’ebe hakat ona dadaun ba odamatan padre, maibe esperansa ne’e sai mehi leet deit.

“Senti triste, tanba ami lakon ami nia ema diak ida ne’ebe maka iha ami nia leet,”Alicia Gonçalves, nudar familia matebian hato’o sentimentu triste, ba JN-Diario, Kuarta (04/01/2017).

Antes ne’e, liu husi homilia iha missa ba selebrasaun Natal iha loron 25 Dezembru tinan 2016, iha Igreja Sao Paulo Iliomar, matebian husik hela lia fuan hodi hateten,  “Wainhra Ita Komesa Book A’an Ona Iha Inan Nia Kanotak.

Iha Momento Ne’e Kedan “Destinu” Hahu La’o Ho Ita, wainhira to’o nia tempu destinu sei determina ita nia Moris, no Wainhira Destinu Ne’e To’o Ita Laiha Kbi’it Atu Kontra.

Destino mate ema ida-idak ita lahatene bainhira mak akontese, no destino mate liu husi dalan oi-oin ne’ebe ita emar la espera no nunka hanoin atu akontese.

Frater Donancio oan ba dala 2, husi maun alin nai’n  7, husi aman Domingos Fernandes no inan Rosalina Monteiro.

Tuir informasaun kronoljia akontesimentu ne’e katak, iha momentu ne’eba frater Donancio paseu (piknik) hamutuk ho familias, inklui frater sira balu, no to’o iha fatin paseu nian sei hasai foto no iha minuto balu nia laran, frater  tama tasi la kleur mout kedan iha momentu ne’eba.

Serimonia funeral matebian frater Donancio hala’o iha Kuarta (horseik) ne’e partisipa mos husi Bispo Diocese Baucau, Dom Basilio do Nascimento, akompanha Vigario jeral, inklui familia bo’ot  no sarani Iliomar nian. Bal

Jornal Nacional