Deputadu Gosta Ba Pasiar Iha Rai Liur

DILI – Osan neebe neebe hasai husi fundu minarai, liu husi Orsamentu Jeral Estadu (OJE), kuaze sai hotu ba rai liur, tanba membru Parlamentu Nasional (PN) gosta halo viajen ba estranjeiru.

Tuir informasaun neebe maka iha, perdiam neebe maka deputadu sira hetan ba viajen estranjeiru kada deputadu ida hetan dozentus. Perdiam neebe deputadu sira hetan nee hodi haan no selu hotel.

Tuir Diretor ONG Gertak Faustinho Magno katak, Orsamentu Jeral Estadu kuaze 60% semo hotu ba rai liur, tanba membru Governu no deputadu sira gosta halo viajen ba estranjeiru duke iha rai laran.

Ita nia orsamentu neebe kada tinan tinan, foti husi fundu minarai liu husi OJE kuaze sai hotu ba rai liur, tanba ita nia deputadu no membru Governu gosta sai pasiar ba estranjeiru,” dehan Faustinho bainhira dada lia ho STL, iha PN, Dili, Tersa (10/01/2017).

Faustinho mos husu ba Tribunal de kontas, atu halo auditoria ba membru Governu no deputadu, sira neebe maka gosta sai ba rai liur.

Iha fatin hanesan membru PN husi bankada CNRT Jacinto Viegas hateten, ema hotu hotu iha direitu konaba viajen estranjeiru neebe Parlamentu no Governu halo. Informasaun kompletu iha STL Jornal no STL Web, edisaun Kuarta (11/1/2017). Carme Ximenes

Suara Timor Lorosae