sexta-feira, 20 de janeiro de 2017

CRL halo sesaun treinamentu iha ámbitu ba Ezame Estadu Lejislasaun timoroan nian

Komisaun ba Reforma Lejislativu (CRL) halo ona iha loron-segunda ne'e, 16 Janeiru, sesaun ida treinamentu nian iha ámbitu hosi Ezame Estadu Lejislasaun Timor-Leste nian.

Objetivu hosi treinamentu ne'e maka prepara ezekusaun hosi metodolojia ba análize sira ne'ebé hato'o hosi CRL ba setór sira, ho loron previstu hodi hahú iha 23 Janeiru.

Sesaun treinamentu ne'e, konta ho partisipasaun hosi Diresaun-Jeral Estatístiku nian no ho pontu fokal sira ne'ebé nomeadu hosi ministru sira, hamosu ona posibilidade ba análize klean no detalladu ida hosi Kestionáriu sira hosi Ezame ba Estadu Lejislasaun nian, nune'e mós esklaresimentu kona-ba nia prenximentu no hosi relatóriu sektorial, liuhosi ezemplu ida online.

Iha semana ne'e nia laran, área sira sei iha oportunidade hodi hato'o alterasaun sira no komentáriu sira ba kestionáriu hodi nune'e CRL sei halo revizaun ikus.

Tuirmai pontu importante sira sei hahú ho ezekusaun ba kestionáriu no elaborasaun hosi relatóriu sektorial, ne'ebé sei haruka ba CRL to'o loron 3 Marsu 2017, hodi nune'e sei prepara relatóriu nasional hodi submete ba Governu, to'o loron 19 Maiu.

SAPO TL ho Komisaun ba Reforma Lejislativu no hosi Área Justisa nian - Foto: CRL

Sem comentários: