DILI –
Atu produs rekursu umanu neebe mak diak, tenke hasae nafatin kualidade
professors sira iha lian ofisial tetum no portugues, tanba nee, planu
perioridade INFORDEPE ba 2017 sei haree liu ba iha formasaun ba lian
ofisial.
Tuir
prezidente INFORDEPE, Deolindo da Cruz dehan, planu perioridade INFORDEPE ba
tinan 2017, sei haree liu ba iha formaasaun ba lian, hanesan lian ofisial
tetum no poratugues, tanba professor balun seidauk kompriende diak konaba
lian.
Iha
lian, ami mos atu haree mos konaba formasaun ba ita nia professor sira neebe
mak hanorin iha area tekvo ninia, ida nee ami nia planu perioridade neebe
mak ami sei halao iha tinan 2017 mai, tanba ita hatene katak, ita
nia lian official tetum no portugues nee importante tebes-tebes ba ita
nia professor sira, atu nunee ita bele produs ita nia rekursu umanu neebe mak
ho kualidade diak, tanba nee ita nafatin hasae koinesementu neebe mak diak ba
ita nia professor sira,”dehan Deolindo ba STL iha edifisiu ME Vila-Verde
Dili, Segunda (05/12/2016).
Iha
parte seluk, Reitor Institute Superior Cristal (ISC), Sebastiao Pereira dehan,
sira nia dosente durante nee tuir hela formasaun, laos dosente deit mak tuir
formasaun ba lian portugues, maibe staf sira mos tuir hotu formasaun, atu nunee
bele hasae sira nia koinesementu.
Entertantu
dekanu fakuldade ekonomia IOB, Agostinho Coelho, dehan, durante nee sira sempre
tuir hela deit formasaun, maibe too agora sai obstaklu ida ba sira, tanba susar
sira atu kompriende diak. Jacinta Sequeira
Suara
Timor Lorosae
2 comentários:
Klaro katak tenki iha formasaun ba profesores sira maibe tenki kria mos silabus hodi sira mos prepara antes se lae rejultado nafatin hanesan kurso bacharelato nebe sira tuir ona antes e ministerio mos labele hanoin formasaun deit maibe hanoin mos kria kondisaun skola nebe diak no hanoin mos kria regulamento nebe forte hodi joven sira bele aprende se lae estudantes barak mk sai atan teknologia.abraco e luta contonua.
Hau hanoin Edukasaun persisa halo Evaluasaun uluk ba formasaun lia portugis durante nee, depois mak sei halo plano strategia na programa kontinuasaun ka lae, se lae ita laiha baze atu halo programa ida nebe prioridade. atu hasae kualidade rekursu humano laos hare deit ba profesor nee hatene lia portugis, maibe persisa hare ba sistema edukasaun, portantu; Administrasaun edukasaun nasional persisa kontrola maksimo husi lideransa maksimo, atu nunee atendemento ba administrasaun iha baze lao tuir koridor nebe monta husi nasional. nee primeiru, segundo, konsisyensia ba Curiculo nasional, tamba durante nee tuir observasaun, kada periudu sempre troka governo troka mos sistema e inklui ba Curriculum. nee fo impaktu negativo ba ezisensia kualidade rekursu humano. terseiru, persisa atensaun ba nezasisariu profesor sira nia, tamba wain hira estadu ijiji kulidade produktivo husi ensinu, governo.mos persisa atensaun.maksimo ba nesasidade profesor sira nia ekonomia, governo persisa halo analiza ba sasan folin.merkadu nian, halo kalkulasaun ba loron ida nia han dala tolu gastu osan hira, nia fen ho oan sira han saida, nia ba servisu lor loron sae mikrolet gastu osan hira ba fulan ida, hare ba taxa ba listrik, nee ho sira seluk tan, depois mak sei defini salariu ba.punsionariu ida, kada fulan punsionariu ida ho nivel hanesan nee nia bele responde nesasidade familia ka lae? se lae difisil ita ejiji punsionariu sira tenke servisu ho profesional, ho kualidade, maibe sira nia persisa la subsente mos nee sai problema. obrigadu....!!
Enviar um comentário