Interese Politiku, Lei Rai Sei Iha Gaveta PN

DILI – Lei rai Parlamentu Nasional (PN) susar atu deskuti no aprova, tanba sira nia interese politiku maka makas liu, tanba nee sira sei dada too governu foun mai.

Lia hirak nee hatoo husi Observador Politiku Luis de Sousa, ba STL iha nia knar fatin, Liseu, Dili, segunda (05/12/2016).

Ita nia ukun nain sira nee, garganta maka barak tanba interese politiku, maibe atu kria deit lei ida atu regula konba rai nee susar, tanba nee ami dehan lei rai nee iha ona meja Paralmentu, maibe sira rai tiha ona ba gaveta, tanba sira tau aas interese politiku maka barak liu duke intere povu no nasaun nia, tanba nee lei rai ami fiar katak sei la aprova iha tinan 2017, sira sei hein governu no parlamentu foun maim aka entrega ba sira nia liman, sira hakarak fo povu ba risku, tanba povu durante nee halo krimi baku malu no oho malu tanba rai, maibe ita nia ukun nain sira la tau ba kestaun,”hateten Luis.

Iha parte seluk Deputadu bankada PD, Adriano do Nascimento espera lei neebe Parlamentu Nasional aprova tiha ona iha parte jeneralidade, labele hatama iha gaveta rai deit hanesan nee. Nia dehan, lei tolu nee ba importante, nunee mos lei ida tan neebe seidauk hola inisiativa lei anti subornu.Maibe halo komparasaun lei rai, lei pensaun vitalisia, lei anti korupsaun no lei sira seluk lais liu fali.

Nune mos Deputadu husi Bankada CNRT Arao Noe antes nee hateten, lei rai importante, maibe agora nee deputadu sira sei halo diskusaun ba Orsamentu Jeral Estadu tinan 2017, tanba nee aktividade hotu hotu iha PN nee paradu konsentra hotu ba OJE, dehan deputadu Arao. Informasaun kompletu iha STL Jornal no STL Web, edisaun Tersa (6/12/2016). Joao Anibal

Suara Timor Lorosae