PERSIJA METODU HANORIN HODI MOTIVA ESTUDANTES ESTUDA

Koordenador  Eskola  Bazika  Filial  (EBF)  Rogério  A. Pinto informa, agora ne’e labarik sira moris iha teknolojia modernu, ne’ebe kusta atu estuda no dekor  materia, barak liu tuir prosesu aprendijazem halimar deit.

Tanba ne’e profesores persija metodu hanorin ida diak atu motiva estudantes partisipa iha prosesu aprendijezem.

 “Hau  iha  oras  rekreiu  profesores  mai  hatete,  estudante  sira  ne’e  iha  sala  laran  ne’e  halimar  mak  barak, tamba  ne’e  ami  mós  tama  iha  pratíka  hafoin  tama  ba  siensia  hodi  estudante  sira  bele  akapta  lalais  materia  ne’ebé  mak  ami  hanorin,”informa Rogério  ba  JN-Diário  iha  nia  servisu  fatin  EBF  Nu’u Laran, Segunda (26/9).

Nia hatutan, estudante  agora  dadauk   la  hanesan  ona  ho  estudante sira iha tempu  okupasaun  Indonesia, tamba  sira  la  hatene  dekor  materia  pior  liu  mak ,wanhira  profesores  sira  fahe  livru  materia,  sira  ba  rai  iha  uma  no  nunka  lee,  nune’e  tama  aula  profesores  sira  husu  la  komprende  no  la  hatene.

“Hau  hare  mane  Timor  oan  sira  ne’ebé  mak  hola  feto  Indonesia  sira  nia  oan  ne’e  matenek  liu  fali Timor  oan  sira, tamba  rasa  Indonesia  sira  ne’e  wanhira  tuir  prosesu  aprendijazem  ho  konsentrasaun  no  profesores  la  tama  aula  mós  sira  tur  nonok  hodi  estuda  nune’e  ita  husu  sira  dekor  hotu,” haktuir Rogério.

Nia esplika, alunus  sira  ne’e  halimar  barak  liu  iha  sala  laran, tamba  profesores  atu  baku  mos  ladiak,  diak  liu  buka  karakteristika  metodu  hanorin  ho  halimar, nune’e  sira  bele  komprende  lalais  no  hatene.

Aat liu tan mak estudante tama aula hodi ho telefone tuir prosesu  aprendijazem, maibe  profesores  hadau  hotu, tanba eskola laautoriza lori telefone. Tos

Jornal Nacional