Embaixada sira iha Díli alerta ba ikan hirak ne’ebé faan tanba kontamina ho veneno

Embaixada Austrália ho Estadus Unidus nian iha Dili, ohin bolu atensaun ba sira-ninia sidadaun iha teritóriu laran, kona-ba ikan tóxiku ne’ebé fan iha sidade laran, tanba kontamina ho formaline, no animal barak maka mate ona, bainhira haan ikan refere. 

Responsável consular hosi embaixada hirak ne’e, esplika katak ikan hirak ne’e maka vendedór sira fan iha sidade Dili no ka’er ona ema barak tanba “fan ikan arbiru iha fatin ne’ebé bandu”.

"Ikan ne’e sona ho formaline, depois hoban fali ba fahi-ninia ran, atu ita haree hanesan ikan foun/fresku. Iha relatu ne’ebé hatudu katak, animál barak maka mate, iha minute balun, hafoin han ikan ne’ebé kontamina ona", tuir alerta hosi embaixada norte-amerikana.

Embaixada esplika katak autoridade lokál sira “foti ona medida hodi identifika no so’e ikan hirak ne’ebé kontamina ona”, no bainhira iha ona avizu foun maka foin bele sosa ikan hosi ema sira ne’ebé faan iha luron/dalan.

SAPO TL ho Lusa