quinta-feira, 18 de agosto de 2016

Amu Belo Vizita Dezenvolvimentu Oe-Cusse


Premiadu Nobel da Páz, Don Carlos Filipe Ximenes Belo, SDB, sei vizita Rejiaun Espesiál Autónoma Oe-Cusse, Sábadu (20/8/2016) dader.

Tuir informasaun ne’ebé Matadalan Online asesu hosi  Sekretáriu Rejionál Edukasaun Solidariedade Sosiál, Sr. Arsenio Paixão Bano, iha Kuarta (17/8) katak objetivu hosi Don Carlos nia vizita ne’e atu haree progresu dezenvolvimentu Rejiaun Oe-Cusse.

Don Carlos vizita Oe-Cusse tanba hetan konvite hosi Prezidente Autoridade Rejiaun Autónoma Espesiál Oe-Cusse Ambeno ( RAEOA) no Zona Ekonomia Espesiál  Sosiál Merkadu Timor-Leste (ZEESMTL), Dr. Marí Alkatiri.

Amu Belo nia prezensa iha Oe-Cusse sei simu hosi Sekretáriu Rejionál, Pedro de Sousa Xavier no Diretór Obras Públikas Rejionál, Cândido Amaral, Padre sira, Konsellu Pastorál Oe-Cusse, Eskola Bázika Filiál 1 de Maiu no Eskola Bázika Sentrál Palaban.

Iha loron Domingu (21/8), Amu Belo sei dirije misa iha Igreja Numbey Oe-Cusse no hafoin misa ramata sei fila hikas ba Dili. (Anibal)

Matadalan

Sem comentários: