DILI –
Povu Inglatera deside ona sai husi Uniaun Eropea maibe ho desizaun nee sei la
fo impaktu ba Timor oan sira neebe mak servisu iha Inglatera.
Informsaun
nee fo sai husi Vise Ministru negosiu Estranjeiru no Kooperasaun, Roberto
Soares, ba jornalista sira iha ninia servisu fatin Kuarta (29/06/2016).
Povu
Inglatera deside ona sai husi Uniaun Eropeia tanba nee TL respeitu desizaun
povu Inglatera ninia no la intervene. Iha Inglatera no Irlandia iha Timoa oan
barak tebes tanba nee ita orienta ona ita nia embaisador iha Inglatera no
Portugal atu akompania nafatin sira nia situasaun. Too ohin loron ita seidauk
hare ninia impaktu dramatika ba Timor oan sira iha Inglatera no Irlandia,”
dehan Roberto.
Nia
mos hatutan tan katak TL ho Inglatera iha kooperasaun ida neebe mak forte tebes
tanba nee nia husu ba Timor oan sira iha Inglatera no Irlandia atu ativa
kontaktu embaisada TL nian hodi hatoo buat nebee mak presija tebes. Laos nee
deit nia mos husu ba Timor oan sira iha Inglatera no Irlandia atu labele tauk
no dramatija situasaun tanba prosesu neebe mak akontese iha Inglatera sei la
prezudika ekonomia mundial nian.
Iha
fatin ketak tuir, Adelino da Concecao, iha Embaisada Portugal hatete husu ba
governu atu kontinua monitoriza situasaun liu-liu Timor oan sira neebe iha
Inglatera no Irlandia hodi informa ba publiku kontinua akompania. Informasaun
kompletu iha STL Jornal no STL Web, edisaun Kinta (30/6/2016). Thomas
Sanches
Suara
Timor Lorosae
Sem comentários:
Enviar um comentário