Dili,
25 FEBREIRU 2016
Senõr
Prezidente do Parlamentu Nasional Distintus Deputadus No Konvidadus Sira Ónra
boot ba ha’u ba dala tolu fila-fali mai iha Uma Fukun ida ne’e hodi transmiti
ha’u-nia hanoin, ha’u-nia liafuan ba iha nasaun tomak, liliu depois de semana
rua nia laran iha komentarius no liafuan barak sai kona-ba asuntu ida ne’ebé
públika hatene, ezenorasaun Señor Jeneral Lere, Xefe do Estadu Maior Jeneral da
Forsas Armadas no nomeasaun Señor Brigadeiru Jeneral, Filomeno Paixão de Jesus.
Ha’u
nia intervensaun ba dala ida ne’e konsentra iha aspeitu tolu importante; em
premeiru lugar, ko’alia kona-ba reforsu koezaun polítika no sosial ne’ebé ita
konsege alkansa iha tinan hirak nia laran dezde 2012. Segundu, ha’u versa no
ko’alia kona liliu ba kazu, asuntu ne’ebé liga ba ezenorasaun Señor Xefe do
Estadu Maior Jeneral das Forsas Armadas, Señor Lere Anan Timur, asuntu ida
ne’ebé loke polemika boot entre Prezidente da Repúblika, Parlamentu no Governu.
Horseik
ha’u inus metin uitoan, moras horikalan, ha’u tuur hanoin, kala Maromak mós
ajuda ona, ajuda de’it Governu, Parlamentu no Prezidente kala mesak de’it ona.
Mas, afinal ha’u konsege hetan enerjia para bele mai ko’alia ho ilustri
deputadu sira. em treseiru lugar, ha’u ko’alia kona ha’u nia topiku/versa ba
topiku ida ke importante, ke ba ha’u importante liu fali, asuntu ne’ebé ita
diskuti durante de semana rua nia laran, a forma como Timór-Leste esta asser
condusido ou forma oinsa ita lori Timór, i tipu no modelu sivilizasaun saída
mak ita harii iha Timór-Leste. Ha’u-nia mandatu konsentra iha reforsu koezaun
polítiku no sosial, tanba ha’u hatene (spri) estabilidade polítika no sosial
imposivel hetan dalan atu dezenvolve ita-nia nasaun i para hametin estabilidade
polítika no sosial, Ha’u sentra ha’u nia atensaun iha fátores tolu: Ida,
relasaun Xanana Gusmão ho Marí Alkatiri Ida seluk, partidu CNRT ho partidu
FRETILIN Ida, hametin relasaun entre povu ho populasaun, ou hametin relasaun
entre governantes no governadus.
Ha’u
kuandu mai kandidatu ha’u-nia an, sei jeneral, akompaña diskusaun boot ida
entre ita nia maun boot Xanana Gusmão ho Marí Alkatiri, i ha’u husu ba ha’u-nia
an: Bainhira maka ita iha tempu atu atura tan ema na’in rua ne’e? Ita atura
sira husi 75 to’o agora seidauk to’o? Bainhira maka hotu? Se ita sei pasensia
nafatin para atura sira? Timór ninia dezenvolvimentu depende de’it ba ema sira
ne’e? Ha’u rasik hanesan kandidatu ha’u ba hasoru Señor Marí Alkatiri i ha’u
husu nia, “ita boot disponivel para hasoru Xanana Gusmão? Nia dehan, “ha’u
prontu’. Ha’u ba fali Señor Xanana Gusmão, “ita boot disponivel hasoru Marí
Alkatiri, Doutor Marí Alkatiri? Dulas ibun de’it.
Kuandu
Padre Martinho hasoru ha’u hateten, Dioseze Baucau labele patrosina tan
inisiativa Maubisse 1, Maubisse 2, ami patrosina tiha ona e 3 ami labele
patrosina. Prezidente da Repúblika bele patrosina inisiativa ida ne’e? Ha’u
husu ba ha’u-nia an sé mak ha’u para fó izemplu ba Xanana Gusmão ho Marí
Alkatiri kuandu sira fundador nasaun, i ha’u kontinuador de’it? Ha’u-nia
desizaun la halo Maubisse 3, i fó oportunidade, hanesan Prezidente fó
oportunidade parake sira na’in rua intende malu. Ha’u kontenti, tinan barak liu
45 mezes depois, relasaun maun Xanana ho Maun Alkatiri e komplixidade total.
Ne’e iha reflexu entre relasaun partidu CNRT ho FRETILIN i militante sira,
populasaun tomak.
Trez
anos konsekutivus, tinan tolu tuituir malu, unanimidade iha Parlamentu ida
ne’e. Iha Augostu 2015, ha’u hasoru kongresistas Amerikanu sira, sira husu,
“Señor Prezidente, demokrasia Timór nian funsiona oin’sa? Se laíha opozisaun.
Ha’u-nia resposta, Timór iha dalan rua de’it, opsaun rua de’it para hili: Ida,
demokrasia klasiku, maioria minoria. Ida, reforsu koezaun polítika no sosial,
hetan estabilidade para dezenvolve Timór, i Timór-Leste hili ida nee. Tanba saída?
Demokrasia la’os fin, demokrasia é meiu. Ha’u hasoru malu ho Maun Xanana, Maun
Marí, Mau Lu Olo, ha’u husu sira 2013, unanimidade ida ne’ebé ita boot sira
hetan atu uza ba saída?
Talves
haree problema sira ne’ebé, karik partidu ida mesak labele rezolve. Problema
veteranu ne’ebé ita iha problema, problema revizaun konstitusional, planu
estratéjiku ou stratejiku dezenvolvimentu nasaun nian, karik, infelizmente, la
uza unanimidade, intendementu ida ne’e ba asuntu sira ne’e. Uza de’it atu fahe
poder no privilejiu. Maun Xanana toma konta Timór, Maun Marí toma konta
Oecusse. (08:00) Ha’u triste loos, i mais nia sai hanesan antivirus ida. Parake
hotu-hotu ne’ebé ko’alia hasoru Parlamentu no Governu sai alvu. Demokrasia ida
ne’e maka ita haree iha ita-nia nasaun? Prezidente da Repúblika ninia hanoin,
la’os.
Demokrasia
funsiona iha prinsipiu baziku nian iha konfiansa, i konfiansa asenta iha dalan
atu rona ema seluk. Karik dalan laíha, demokrasia funsiona? Konfiansa laíha
demokrasia funsiona? La funsiona. Segundu, ha’u ba asuntu Jeneral Lere nian,
ha’u sempre defende estadu ida tranzisaun husi estado de homen ba estado de
lei. Uluk iha ai-laran mate maka troka, iha vila laran tenki troka kuandu ita
moris. Tranzisaun tenki halo, tranzisaun importante fó oportunidade ba sira
seluk atu aplika nia sábedoria, testa ninia kapasidade, nia util ba nasaun ga
la’e? I ha’u halo ida ne’e iha 2011. Ha’u tinan ki’ik liu koroneis hotu-hotu
iha Forsas Armada nia laran, anaunser Pedro Klamar Fuik de’it maka tinan ki’ik
liu ha’u.
Se
ha’u la sai, hanesan kareta iha trafiku boot. Pior liu sira seluk sai uluk husi
ha’u, tranzisaun lala’o, i ha’u sai. La’ós sai tanba ha’u baruk ona no hakarak
sai Prezidente de’it, liliu sai para fó fatin ba sira seluk. Líha momentu ida
ke ha’u hateten ba (jen) koronel sira katak, sira tenki hela to’o baruk de’it.
Laíha momentu ida, Prezidente hateten ba Primeiru Ministru katak, Señor Jeneral
tenki Lere (Señor Jeneral Lere tenki hala’o) Laíha momentu ida konversa ho
Jeneral Lere ha’u hateten ba nia katak, nia tenki hela. Ha’u sempre hateten,
sei fó fatin ba sira seluk ita diak liútan. Ita boot sai ho naran moos,
eloziadu. Ita hotu jura para, bainhira ita tomak pose ita jura atu halo lei,
aplika lei no konstituisaun. Ita-nia komanante sira, tuir lei sira-nia tempu
hotu liu.
Ha’u
lahatene ha’u mak sala ou governu maka sala? Governu aprezenta proposta ba
Prezidente da Repúblika atu hili Xefe Estadu Maior Jeneral da Forsas Armada
foun, i proposta Governu nian ida, rekondusaun. Ha’u la konkorda ho
rekondusaun, i ha’u esplika tanba saida. Karik iha rekondusaun, implikasoins
primeiru e ke koronel sira ne’ebé tuir laíha promosaun, i Señor Jeneral Meno
mós laíha promosaun tanba nia kontinua nafatin hanesan nia fatin. I karik sira
nain rua nafatin, kuandu sira nain rua nia nee tenki altera lei, tanba karik la
altera lei sira nain rua sai dala ida. I karik sai dala ida tenki lori koronel
rua, koronel sira mak promove ba Brigadeiru ida, i ida seluk ba Major Jeneral,
hakat liu ida. I Xefe Estadu Maior, Sr. Falur Rate Laek nia tenke hotu nia
mandatu seke nia mandatu rua de’it e que dois em dois anos. Oportunidade para
sira seluk atu halo promosaun la iha, i pior liutan foin dadauk ha’u iha
Maliana iha Jovem ida mai husu hateten “uluk 2005/2006 ko’alia
lorosa’e-loromonu, tanba sa mak agora loromonu nia oan sa’e ne’e problema fali?
Ha’u
dehan nonok tiha ne’e la’ós ha’u maka governa. Ha’u lembra, ha’u kuandu sei
eskola ha’u-nia profesor hanorin ha’u kona-ba regras de boa edukasaun, sira
hateten ema ne’ebé kiik-oan kuandu la’o ho ema boot nia tenke la’o hosi karuk i
pasu ida iha kotuk, karik to’o sasan ruma ida ne’ebé foti uluk tenke foti kiik,
ida foti ikus foti boot. Iha maun-alin na’in rua, sira na’in rua ba vizita ema
tau sabraka rua; ida kiik, ida boot. Sira na’in rua duun malu sé maka foti
uluk. Maun dehan aliln maka foti uluk, alin dehan maun maka foti uluk nia maun
sente la di’ak nia foti tiha boot, entaun nia hateten “Ó deukasaun la iha,
tanba sá? Tanba ema ne’ebé foti uluk tenke foti kiik mas ó foti tiha boot husik
hela kiik ba ha’u, entaun nia maun dehan ó maka foti karik foti ida ne’ebé?
Ha’u maka foti karik foti ida kiik, entaun kiik maka ne’e.
Sr.
Primeiru Ministru la fó opsaun ba ha’u, la’ós nia foti de’it ida boot más nia
foti tan rua dala ida i Prezidente Repúblika la hela ho oposaun ida. Jeneral
rua de’it. Prezidente Repúblika eskoella ida ne’ebé? Ha’u-nia pergunta sera que
kazu ida ne’e maka sai preokupasaun boot? kuandu iha asuntus balu no boot ke
ita konsege ultra pasa? I enjonerasaun jeneral Lere nian sai tiha polemika
boot? Ha’u-nia haree, ida ne’e la’ós problema. Porblema ba ha’u e forma oinsa
ita lori Timór no tipu de sivilizasaun ne’ebé ita harii iha Timór Estadu
Timór-Leste, estadu esesivamente sentralizador, sentraliza kompetensias,
poderes, priveleijus. Esesivamente esbenja rekursus estadu Timór nian, husik
hela Timór-oan rihun ba rihun sai sidadaun segunda klase iha nia rain rasik.
Ha’u vizita suku 401 i ha’u hatene saida maka ha’u ko’alia.
Dezde
2004 Primeiru Governu Konstitusional ko’alia kona-badesentralizasaun no
sentralizasaun, 12 anos depois ita kontinua deskute se manu tolun maka mai uluk
ka manu inan maka moris uluk. Ita husik hela munisipiu sira, husik hela Postu
Administrativu sira izoladu. Sem rekursus, sem kompetensias, toba ho problema
moris ho probolema, enkuantu ita esbanja osan. MDG’s. Iha 2012 kuandu ha’u
vizita Aileu’ ha’u haree MDG”s la di’ak.Ha’u ko’alia ho maun Xanana “Maun
projetu ida ne’e ladi’ak, nia dehan diak”, ohin hanesan kankru ida, gasta
milloins para nada, aleinde mais ita selu liutan, tuir relatoriu Tribunal de
Contas. Portu Hera ha’u sei Jeneral, 9 milloins de dollar seidauk inagura monu
tun tasi laran iha soldadu sira-nia oin, soldadu matan-been monu nia dehan
tanba sa osan ne’e la fó ha’u ba hakohi fali ba tasi laran! Ida ne’e mak
ita-nia problema.
Ita-nia
eskola sira, Profesores sira iha Maubara partilla sala profesores ho nia
ferik-oan toba iha sorin, hanorin labarik sira iha sorin. Ita ba Lasorulai
profesores sira fila sintina sai sira-nia eskritoriu, 45 alunus iha sala ida,
ida ne’e? Ha’u veta orsamentu do estadu 2016, Señores deputadu sira no governu
sente katak ha’u dezafia imi-nia unanimidade. Ha’u halo ho sentementu genóinu
atu promove ita-boot sira no atu ajuda ita-nia povu. Ha’u moe bainhira ha’u ba
vizita suku sira. ha’u la hateten katak projetu sira tasi mane no Oecusse
labele halo. Ha’u hakarak hateten imi bele tau tan osan oituan ba bee moos? Eskola?
Agrikultura? Saúde? Ezbanzamentu ida ne’e sé mak premite? Parlamentu Nasionál
maka premite. Tanba saida? Parlamentu Nasional kuandu deskute orsamentu husu
“imi gasta ona hira? La husu imi gasta ba saida? Gasta ona presentazen hira
ne’e buat ida, gasta ba saida ne’e buat seluk ida.
Ne’e
ko’alia kona-ba objetivus no rezultadu. Ita-boot sira maka premite parake
governu ezbanza ita-nia rekursus. Ha’u hakruka Tribunal Rekursus halo
fiskalizasaun susesiva ba fundu infra-estruturas. Opozisaun la iha Prezidente
Repúblika maka sai fali opozisaun. Iha 28 Janeiru, ha’u haruka karta rua ba
Señor Primeiru Ministru. Primeiru ha’u husu iha ka lae estudu biabilidade
kona-ba tasi-mane no Oecusse. Hanesan Prezidente da Repúblika ha’u hakarak iha
kopia ida. Tanba ha’u hakfodak kuandu Sr. Dr. Marí Alkatiri hateten katak
Aeroportu Oecusse nia estatutu sa’e ba Aeroportu Internasional. Ábitante Oecuse
62 mil, Dili 250 mil, Oecuse bele iha Aeroportu Internasional ida? Ha’u halo
pergunta ba ha’u-nia an dala barak. primneira resposta talves ita loke Casinos,
segundu reposta talves ita loke cabaria ruma para atrai ema.
Sem
ser ida ne’e a mediu prazu sei la iha ema ke ba ne’ebá, ainda proxima o
Aeroporto Internacional. Ha’u husu estudu biabilidade, ha’u espera katak
governu iha fornese ba Prezidente da Repúblika kona-ba estudu biabilidade
tasi-mane no Oecusse nian. Terseiru ha’u haruka surat ida iha duni data hanesan
ba Governu husu Tanba saida maka Timór-Leste altera nia pozisaun kona-ba
tratadu tasi-Timór liuliu kona-ba fronteira marítima? Kuandu maun Xanana rasik
ho Sr. Marí maka iha sira nia tempu ita asina para pospone ba 50 anos. Por
ultímo. Ha’u iha 4 de Fevereiro aviza no pasa informasaun ba Sr. Primeiru
Ministru, ema mai ko’alia ho Prezidente Repúblika lamenta ,hateten katak
familiares maun Xanana no Marí nian ho nia amigu sira hetan preveleiju barak
liu iha kontratu estadu nian. Sr. Primeiru Ministru husu Prezidente Repúblika
hakarak halo inspesaun? Ha’u dehan lae. Ha’u hakarak fó ba ita-boot para hatene
katak iha deskontentamentu kona-ba preveleiju sira ne’e. Soeharto, nia familia
sira mak hatun nia. Preveleiju demaziadu.
Señores
deputadus, Sr. Prezidente. Ida ne’e maka ha’u nia problema ho governu i governu
hetan tiha justifikasaun ida ba Lere para depois atinji Prezidente da
Repúblika. Prezidente Repúblika kontinua disponivel para deskute ho Parlamentu
Nasionál, liuliu governu para hetan solusaun ba kazu Lere. I Prezidente husu
para ke labele haree Prezidente hanesan adversariu, haree hanesan parseiru.
Ha’u pauta ha’u nia komportamentu hotu tuir prinsipiu ida ne’e. Eskrava foun,
atan foun agora maka sira ne’ebé tauk atu sai hosi serbisu no lakon osan para
hateten de’it ya, pak. La konta ho Prezidente da Repúblika kria sosiedade ida
hanesan ne’e. Sosieadade ida ne’ebé moris na baze de poder i preveleijus.sosiedade
sir ahanesan ne’e tem os dias contados iha ne’eb’e de’it, inklui Timór-Leste
mós.
Tanba
ne’e, Sr. Prezidente Parlamentu Nasionál pôr ultímo hakarak agradese ba Sr.
Prezidente Parlamentu, ilustres deputadu tanba iha tempu rekor ita-boot sira
bele autoriza ha’u para ha’u bele ko’alia ba nasaun buat ne’ebé ha’u sente.
Segundu lugar, pesoalmente hakaral louva esforsu Sr. Prezidente PN nian
bainhira ita-boot deside an ba hasoru ha’u iha Maliana levanta kestoins hotu,
ha’u husu obrigadu ba Sr. Prezidente. Afinal no meio de tatanta gente ainda a
pessoa humildes, pessoa de bom coração. Ema laran di’k ne’ebé bele halibur ita
i ha’u espera iha ha’u nia pozisaun, governu liuliu labele sai pozisaun ida
irekonsiavel. Más pelo contrario ultra pasa problema sira ho hanoin ida de’it
Timór-Leste tenke ba oin.
Por
ultímo ha’u hakarak aproveita oportunidade ida ne’e fo mensajen ba povu Timór.
Ha’u sensebilizadu ho imi-nia komportamentu, imi-nia matenek hodi akompaña kazu
ida ne’e, pólemika ida ne’e ho serenedade. Ha’u mós aproveita para agradese
ha’u-nia militares sira, hanesan Prezidente da Repúblika, Komandante Supéremus
da Forsas Armadas nian ha’u louva imi-nia komportamentu. Mantein nafatin
hanesan ne’e, Timór persiza imi, persiza ha’u, persiza ita hotu, laiha dalan seluk
hametin pás no estabilidade, haburas demokrasia iha ita-nia rain dalan mesak
atu lori Timór hodi harii nasaun ida ne’ebé oportunidade iha ba ema hotu
indepedentemente nia partidu, nia rasa, nia fiar, i que iha fatin ba familia
hotu-hotu hadau nia moris. Obrigadu Barak. (*)
Matadalan
Sem comentários:
Enviar um comentário