domingo, 21 de fevereiro de 2016

FM: Tuir Lei Estatuta Militar F-FDTL, Prezidente halo nomeiasaun tuir proposta husi Governu


Radio Liberdade Online –Diretór Ezekutivu, Fundasaun Mahein (FM), Nelson Belo hateten katak tuir Lei ka Estatuta military forsa defeza nian, Prezidente Repúblika, Taur Matan Ruak (TMR) mak halo nomeisaun ba komandante Jerál foun F-FDTL nian bázea ba proposta husi Governu.

Belo afirma ba jornalista radio liberdade iha salaun treinamentu TLMDC nian, Osindo 3 iha loron 17/2/16 relasíona ho desizaun Prezidente TMR nian kona-ba ezonerasaun Major Jenerál Lere Anan Timur nia foin dadauk ne’e.

“Mudansa ho susesu iha nivel komando F-FDTL ne’e tuir estatuta militar F-FDTL, Artigu 75 ne’e hateten katak nomeiasaun ba mandatu komando jerál F-FDTL ho Vise komandante jerál F-FDTL ne’e kada tinan rua .” “Tuir Lei ne’e mós dehan katak kada tinan rua ne’e sei prolonga ba tinan rua, entaun ne’e to’o ona tenke halo tan-fali nomeiasaun foun no tuir Lei ne’e mós Prezidente Repúblika halo nomiasaun tuir proposta husi Governu maibé proposta ne’e mai atraves tuir Lei ne’ebe mak iha no iha Lei estatuta militar F-FDTL hatete katak iha Lei ne’e rasik iha deit lia fuan rua nomeiasaun ho ezonerasaun ne’e nia halo tuir proposta husi Governu nian.” Belo esplika.

Belo nu’udar mós ativisita Dewan Solidaritas Mahasiswa (DSMTT) afirma liu-tan katak Prezidente Repúblika uza lei estatuta militar F-FDTL nian hodi halo nomeiasaun foun ba pozisaun komandu forsa defeza nian. “kazu ne’ebé mak akontese foin dadauk ne’e bainhira mandatu ba chefe estadu maijor jenerál Lere Anan Timur ho nia vice Filomeno Paixao remata ho tan falur Rate Laek sira nain tolu ninia mandatu remata iha dia 5 fulan outubro agora iha 5 outubro. Governu foin halo proposta ba Presidente da Republika iha dia 16 Fulan outubru no iha dia 16 haruka bá prezidente Repúblika,” nia haktuir. Nia hatutan tan katak loloos ne’e Governu labele tarde halo nomeisaun ne’e, tenke halo ona proposta uluk ba prezidente repúblika, maibé ida-ne’e laakontese. “Proposta ne’e to’o Gabinete Prezidente Repúblika nia iha loron 26 agora depois de proposta ne’e mosu ne’e katak husi dia 5 to’o mai dia 16 ne’e loron sanulu ona.

Chefe estadu maijor F-FDTL ninia mandatu ne’e remata iha dia 5 mais agora nia servisu husi dia 6 to’o dia 17 hanesan nia servisu laiha mandatu ida. Loloos ne’e Governu antes ne’e atu besik ne’e prolonga ona ou halo uluk proposta ba Prezidente da Republika maibé lahalo.” “Entaun Governu halo fali proposta iha dia 16 no to’o iha Gabinete Prezidente da Repúblika dia 26 e Prezidente da Repúblika uza Lei Statuta Militar F-FDTL dehan katak Komadante Chefe Estadu Maijor F-FDTL Lere Anan Timur ninia mandatu Liu tiha ona dala rua kuandu liu tiha ona dala rua labele halo nomeiasaun ho nia vise mós. Entaun hakarak halo nomeiasaun Prezidente halo fali karta ida ba Governu para anula Lei ne’e hodi bele halo estensaun ba Maijor Jenerál Lere Anan Timur ho vise Filomeno Paixao maibé Governu laanula kuandu Governu laanula entaun Prezidente Repúblika uza Lei ne’e para atu halo fali nomeiasaun foun ne’e mak akontese Prezidente da Repúblika halo nomeiasaun Foun ,” nia haktuir. Desizaun Prezidente Repúblika nian kona-ba Jenerál Lere ninia ezonerasaun dadauk ne’e sai ona polémika boot iha públika tamba hamosu ona espekulasaun oioin kona seguransa no estabilidade nasionál.

Membru Parlamentu Nasionál Osorio Florindo foin dadauk ne’e iha mídia nasionál sira hateten katak desizaun prezidente repúblika nian bele halo povu sira laran-tauk no ida-ne’e bele hamanas situasaun lahakmatek iha railaran. Iha parte seluk Chefe Bankda CNRT, Natalino dos Santos hateten desizaun ne’ebé Prezidente Repúblika foti ne’e kontra lei no nia husu ba Prezidente TMR atu dada filafali desizaun refere. Marta da Costa.

Rádio Liberdade Dili

Sem comentários: