PN LA SERIU KOMBATE KORUPSAUN

Lei anti korupsaun ne’ebe maka sei halot didiak iha meja Parlamentu Nasional (PN) hamosu duvidas bot husi publiku. Balun komesa hateten katak, PN finzi “budu” lei ne’e atu bele proteje koruptor sira no balun fali konsidera PN duni maka la seriu atu kombate korrupsaun.

Afirmasaun ne’e hanesa mos ho hanoin balun membru PN husi Bankada FRETILIN, Francisco Miranda Branco nian. Nia sekunda katak, PN la seriu tebes atru kombete korupsaun tanba ne’e maka “budu” hela deit lei anti korupsaun iha gaveta prezidenti PN nian.

‘’Hau la menta tebes projetu lei anti korupsaun ne’ebe asina husi deputados husi bankada 4 iha parlamentu. Iha diskurus ita kulia seriu no funan-funan tebes atu komabate korupsaun, maibe ho hahalok ne’ebe PN budu hela projetu lei ne’e iha gaveta laran kleur ona, halo ita duvida ba seriedade ba luta kontra korupsaun iha nasaun ne’e,’’ afirma Francisco Miranda Branco iha sesaun plenaria PN, Segunda (25/05/2015).

Prezidente GOPAC ne’e konsidera parlamentu hanesan legilasdor presiza halo lei ba Governu no instituisaun sira atu implementa, maibe parlamentu rasik la koperativu iha politika Estado nian ba luta kontra korupsaun.

Liu husi plenaria ne’e, deputadu Francisco Branco kestiona ba parlamentu nia seriadade Estadu nian, tanba parlamentu hanesan lejislador presiza prepara kuadru legal atu kompleta kuadru legal tomak iha nasaun ninian ba politika Estado kontra korupsaun.

‘’Ha’u hanoin tempu to’o ona no la iha tan tempu seluk atu ita aproveita prepara lejislasaun ne’ebe diak ba ita nia instituisaun iha knar atu prevene no luta kontra korupsaun, ne’ebe hau hanoin ita labele budu tan,” afrima Francisco Branco.

Ba preokupasaun Deputadu Francisco Branco nian ne’e, Segundu Vise Prezidenti PN, Aderito Hugo da Costa afirma katak, nu’udar Vise Prezidenti PN nia akompanha hela projetu lei anti korupsaun ne’e parese tekniku e kompletu ona iha hela meja prezidente parlamentu nian.

‘’Orsida informa ona ba prezidente parlamentu no xefi bankada sira mos iha oportunidade reuniaun lider bankada ne’e bele diskute hela asuntu ne’e iha meja parlamentu oinsa atu baisa ba komisaun sira,’’ informa Aderito Hugo. lia

Jornal Nacional