quinta-feira, 22 de fevereiro de 2018

Dixiplina-Vontade Servisu Determinasaun EA

Dixiplina-Vontade Servisu Determinasaun EA


DILI, (TATOLI) - Prezidente Partidu Libertasaun Popular-PLP apela ba kuadru militante, simpatizante  partidu nian, atu mantein dixiplina no vontade servisu hodi nune’e Aliansa Mudansa ba Progresu (AMP) ne’ebé PLP hola parte bele atinje determinasaun iha Eleisaun Antisipada (EA).

Tuir Taur AMP nia mehi mak atu reforsa, haboot no habiit an hodi manan EA atu forma VIII Governu Konstitusionál iha 2018. Maski AMP enfrenta risku ida mak “hadau malu” kadeira no rekursu.

“Ne’e normál akontese maibé oinsá Aliansa Mudansa ba Progresu halo servisu makas atu ita bele manan iha Eleisaun Antesipada,” Eis Prezidente Repúblika, Taur Matan Ruak hato’o iha nia intervensaun iha Konferénsia Nasionál PLP nian iha Metiaut, Kinta (22/02).

PLP parseria ho partidu rua, ida mak partidu Kongresu Nasionál Rekonstrusaun Timor-Leste (CNRT-sigla Portugés) ho Partidu Kmanek Haburas Unidade Nasionál Timor-oan (KHUNTO) ida idak mai ho programa polítika no programa diferente, maibé ho deferénsia ne’ebé mak iha presiza halo ezersísiu hodi buka konsensu atu aserta pozisaun ba partidu tolu ne’e ba ida de’it mak AMP.

“Ida ne’e la fasil atu buka identidade rasik satan hamutuk hodi nakfila-an ba identidade ida maibé ita konsege halo esforsu no hetan entendimentu liga ba partidu tolu nia sobrevivénsia,” Eis Jenerál Taur Matan Ruak kontente.

Entretantu partidu CNRT-PLP-KHUNTO, ohin loro kraik ne’e sei hamutuk iha Sentru Konvensaun Dili (CCD-sigla Portugés), hodi aprova aprova no asina plataforma koligasaun AMP atu nune’e bele ba rejistu iha Tribunál Rekursu, iha tempu besik.

Jornalista: Zezito Silva | Editór: Manuel Pinto

Imajen: Prezidente PLP, Taur Matan Ruak
Prezidente CNRT Husu Lista Deputadu Tenke Reprejenta Votante

Prezidente CNRT Husu Lista Deputadu Tenke Reprejenta Votante


DILI, (TATOLI) – Prezidente Partidu Kongresu Nasionál Rekonstrusaun Timor (CNRT-sigla portugés), Kay Rala Xanana Gusmão, husu ba konferesista atu hasai rezolusaun ida hodi hatete lista deputadu ba Parlamentu Nasionál tenke reprejenta votante.

“Nu’udar prezidente partidu husu atu hasai rezolusaun ida iha konferénsia ida ne’e, kuadru sé de’it no ne’ebé de’it simu konfiansa partidu nian atu bele tama iha lista ba parlamentu”, hatete Xanana iha nia mensajen liuhosi vídeo durante konferénsia extra-ordináriu ne’ebé hala’o iha Sentru Konvensaun Dili (CCD-sigla portugés), ohin.

Mensajen ne’ebé halo iha Kuala Lumpur, Malázia iha loron 20 fulan-fevereiru foin lalais ne’e, Xanana afirma hodi esklarese rezolusaun ne’ebé temi, kandidatu ba deputadu ne’e tenke rejigna án ba lista aprejentadu, karik rezultadu eleisaun iha fatin ba proposta munisípiu, partidu la hetan votu ou lakon.

“Kuadru sira ne’e sei rejigna án hodi fó fatin ba kuadru sira seluk iha lista hodi nune’e ita bele haree katak bainhira ita tuur iha parlamentu ita reprejenta duni votante barak ne’ebé fó fiar ba partidu, ne’e importante”, reafirma.

Tanba ne’e konferénsia ida ne’e, katak nia sei toma desizaun balun, diskute, fó hanoin ba malu, simu ho opiniaun ne’ebé di’ak ba partidu hodi ida-idak hakruk ba interese partidu nian.

“Tinan kotuk ita hala’o ita nian konferénsia tanbasá, kauza saida no iha ne’ebé mak kontribui ba ita nian insusesu iha eleisaun. Ha’u hein katak ita hotu sei lembra konklusaun, ita hotu halibur iha konferénsia ne’eba, ha’u husu atu reflete, labele repete iha eleisaun antesipada” katak tan.

Mensajen ne’e mós nia dehan konferesista iha konferénsia ida ne’e la’ós fatin atu lakon tempu hodi krítika malu no ema seluk maibé objetivu haree ba partidu nia estratéjia no planu asaun nune’e nu’udar kuadru bele kontribui oinsá simu desizaun partidu nian.

“Ita ida-idak tenke hatudu ita nian militansia ba ita nian partidu, ida-idak tenke tau iha laran katak partidu só bele materializa nia vizaun ba rai ida ne’e, sé ita fó laran tomak hodi serbí ba partidu”, tenik Xanana.

Eis Prezidente Repúblika ne’e fó hanoin ba kuadru no militante sira atu labele husu ba partidu saida mak sira nian hakarak, maibé tenke husu ba án rasik saida mak partidu presiza atu halo.

Nia ho esperansa konferénsia ne’e bele la’o ho amizade, onestidade ho konfiansa mutua.

Jornalista: Rita Almeida

Imajen: Prezidente Partidu CNRT, Kay Rala Xanana Gusmão
Lú Olo Fó Xamada Ba Parpol Labele Soran Povu

Lú Olo Fó Xamada Ba Parpol Labele Soran Povu


DILI: Kampaña eleisaun antesipada seidauk hahú, maibé Prezidente Repúblika, Francisco Guterres ‘Lú Olo’, fó xamada atensaun ba partidu polítiku sira hodi labele hamosu issue ne’ebé fahe povu durante tempu propaganda polítika.

Xefe Estadu hateten, povu sei partisipa no rona partidu polítiku sira nia programa no planu atu hadi’a povu nia moris, maibé iha tempu kampaña ne’e la’ós atu fahe povu.

Nia dehan, kampaña atu hametin unidade iha povu nia leet bazeia ba programa ne’ebé di’ak liu ba povu nia moris.

"Ita labele fó fatin ba ema aproveita períodu kampaña hodi insulta malu, fahe malu bazeia ba saída de’it, autonomista ka nasionalista, relijiaun, rasa, frente klandestina, armada ka diplomátika. Ita uma kain ida de’it. Nasaun Timor-Leste", dehan Lú-Olo liu husi nia mensajen ba eleisaun antesipada, horisehik.

Nia hateten, só ema ne’ebé la hadomi povu Timor-Leste maka bele aproveita kampaña hodi fahe povu, kuda ódiu, ka halo vingansa ba malu.

"Ita nia kultura no demokrasia la hanorin ita insulta malu, ita nia povu la gosta buat ida hanesan ne’e, no la respeitu inan-aman la respeitu ita nia na’in ulun sira. Tempu to’o ona atu fo lima ba malu”, deham Xete Estadu.

Lú-Olo dehan, atu hakat ba eleisaun, iha loron 12 fulan Maiu, molok atu ba eleisaun, partidu polítiku no koligasaun sira, sei tama ba kampaña eleitorál, fulan ida tomak atu hakbesik-aan ba povu. Ho respeitu, esplika didi’ak no fó-hatene sira-nia programa.

Nia dehan, importante ba partidu polítika mak esplika ba povu medida saída sira sei foti atu hadi’a kualidade edukasaun no saúde? Dalan ida ne’ebé sira sei tuir atu hadi’a povu nia moris, povu nia ekonomia oinsá loos maka sira hakarak ukun povu? Oinsá sira nia hanoin kona-ba povu nia partisipasaun, hodi ukun nasaun Timor-Leste? Hotu-hotu akompaña katak partidu polítiku sira konsentra daudaun sira nia atensaun no organizaaan atu kampaña.

Nia dehan, nu’udar Prezidente Repúblika husu ba militante no simpatizante partidu polítiku hotu-hotu atu prepara-aan no ajuda aprezenta didi’ak programa ba povu tanba saída maka sira nia programa di’ak liu.

“Ita hotu tenke tane aas interese povu no nasaun ida ne’e nian. Ita hotu tenke serbisu hamutuk ba pás no dezenvolvimentu, ba estabilidade no progresu hodi kaer metin nafatin domin, lia loos no justisa iha ita-nia rai lulik Timor-Leste," tenik PR Lú-Olo.

Prezidente Repúblika, ho haraik aan, husu ba hotu-hotu haka’as-aan hamutuk partisipa eleisaun antesipada, hodi defende direitu ba dezenvolvimentu no demokrasia tuir nafatin bei'ala sira nia mehi, atu labele sai atan ba ema ida.

Alende ne’e, nia parte fó obrigadu ba organizasaun sosiedade sivíl, partidu polítiku no povu tomak ne’ebé simu desizaun husi Prezidente Repúblika hodi konvoka eleisaun antesipada.

Independente
Riak Leman: Se Maka Naok Povu Nia Osan Ba Sulan Iha Kadeia

Riak Leman: Se Maka Naok Povu Nia Osan Ba Sulan Iha Kadeia


DILI - Eis deputadu Riak leman hateten, se maka halo korupsaun ou naok povu nia osan, tenke ba hatan iha Tribunal, atu nunee bele toma responsabilidade ba aktu neebe nia komete.

Se deit maka halo korupsaun nee katak naok povu nia osan, entaun povu nee nia moris nee laba oin, tanba sira neebe koruptor diak liu ba responde iha Tribunal no ba kadeia,” dehan eis deputadu Riak Leman ba STL, iha Palasiu Governu, Kuarta (21/02/2019).

Nia dehan Buat ida korupsaun nee kaundu lao iha nasaun ida, nasaun nee nunka lao ba oin ho diak, I povu nee kontinua terus. Exemplu nasaun balu kiak laiha minarai, laiha buat mais jestaun kuandu diak sira nia povu nee moris diak.

Eis deputadu Riak Leman mos husu ba KAK atu halo investigasaun ba projetu sira neebe gasta osan bar barak, depois dala balu nee soe hela sasan sira nee, nunee mos kualidade ladiak tenke hare ida nee foti, levanta problema.

Iha parte ketak Reitor UNTL Francisco Miguel Martins hateten, nee evidensia ida presiza hatene deklarasun KAK, nunee kazu sira neebe irregular sira neebe ema hotu iha responsabilidade ba kaer orsamentu povu nian, kaer ho kuidadu, atu nunee bele evita iregularidade neebe povu lagosta. 

Carme Ximenes/Maria Lay | Suara Timor Lorosae
MP ho PNTL Hahú Kompleta Dadus Hosi Kontentór Sia

MP ho PNTL Hahú Kompleta Dadus Hosi Kontentór Sia


DILI, (TATOLI) – Ministériu Públiku (MJ) liuhosi Prokuradór Jerál Repúblika ho Komandante Polísia Nasionál Timor-Leste (PNTL), Komisáriu Júlio Hornay, ohin informa ba jornalista sira katak kontentór sia ne’ebé foin lalais ne’e aprieende iha Portu Dili hatudu iten 18 bele suporta ona prosesu investigasaun inisiál.

“Sasán sira ne’e la’ós ho totál tonelada 150, maibé tonelada 162, tanba Polísia Nasionál Timor-Leste iha kooperasaun di’ak ho BNN (Badan Narkotika Nasionál) entaun ita aproveita halo teste ida ne’e iha Indonézia”, PJR, José Ximenes, hatete iha konferénsia imprensa ne’ebé hala’o iha PJR, Kolmera.

Hatutan tan: “Como ita-boot sira (jornalista) hatene matéria ne’e sei iha faze investigasaun, sei sujeta ba segredu justisa entaun ami labele fó informasaun pur detallu kona-ba ámbitu investigasaun, envolve sé, oinsá, ami labele fó esplikasaun”.

José Ximenes afirma tan: “Mais de ida ne’e ha’u labele ko’alia tanba sei sujeta ba segredu justisa, ha’u hanoin tonelada 162 ne’e komunidade sira presiza hetan informasaun. Ami lako’alia kona-ba matéria profundu, objetu sira ne’e mas ami ko’alia kona-ba rezultadu ne’ebé ita halo ne’e pozitu tebes ita-nia investigasaun inisia ne’ebé halo tiha ona”.

Komandante Jerál PNTL, Júlio Hornay, reforsa seidauk bele ko’alia kle’an bainhira prosesu investigasaun seidauk remata.

“Tanba ne’e mak ita hotu hein, matéria ida ne’e apoiu tebes lala’ok investigasaun, to’o iha nia rohan mak foin ita hatene katak loos duni hanesan ne’e ka la’e, depois mai ita bele ko’alia ninia rezultadu”.

Rezultadu hosi iten 18 ne’e deskobre bainhira PNTL servisu hamutuk ho BNN lori matéria prima hosi kontentór sira ba teste iha laboratóriu.

Jornalista: Maria Auxiliadora | Editora: Rita Almeida

Imajen: Prokuradór Jerál Repúblika, José Ximenes (liman karik), akompaña hosi Komandante PNTL, Komisáriu Júlio Hornay, bainhira ko'alia ho jornalista sira iha edifísiu PJR Kolmera, ohin. Foto Tatoli/Egas Cristovão
Abílio Araújo “La Kontente” Rona Propaganda Fahe Lideransa

Abílio Araújo “La Kontente” Rona Propaganda Fahe Lideransa


DILI, (TATOLI) - Lider Istóriku Partidu Frente Revolusionáriu Timor-Leste Independent (Fretilín),  Abílio Araujo la satisfás bainhira rona propaganda polítiku atu fahe lideransa sira, tanba ne’e nia husu lideransa jerasaun 1974/1975 tenke unidade atu responde ba verdade istóriku.
   
Sentimentu la kontente ne’e, mak dudu Eis-Prezidente Partidu Fretilín ne’e hasoru malu ho Primeiru Ministru, Mari Alkatiri iha Palásiu Governu, ohin.

“Ha’u manifesta ba Primeiru Ministru, Mari Alkatiri katak ha’u la satisfás ho ema balun ne’ebé halo propaganda hodi hafahe lideransa sira rai laran no rai li’ur, maibé atu evita lideransa istóriku sira tenke hamutuk hodi responde verdade istóriku,” Eis Ministru Estado ba Asuntu Ekonomia no Sociais iha I Governu RDTL, ba Jornalista sira hafoin hasoru malu ho Xefe Governu, Mari Alkatiri.

Eis alunu ba Institutu Superior Ciências Económicas no Financeiras iha Universidade Téknika Lisboa, ne’e konta katak, frente esterna mosu tanba momentu ne’ebá Nicolau Lobato (lider Fretilín) mak haruka delegasaun sai ba rai li’ur.

“Enkuantu molok sira ba ha’u reprezenta Fretilín nian iha Portugal eh Eropa iha 1974 hafoin sira ba hamutuk ho ami hodi hala’o servisu diplomasia ba luta Timor-Leste nian,” nia fó hanoin.

Hodi kontinua fó sai katak, iha tempu rezisténsia nian la iha ema mak fahe malu, maibé ema hotu hamutuk mak hanaran frente interna no esterna hafoin Timor-Leste hetan ukun rasik-an.

“Ha’u kondena makas ba ema ne’ebé la respeita eh hakarak fahe lider istóriku sira,” Autór ba Programa no Manual Politico FRETILÍN ne’e hirus.

“Nunka konkorda bainhira ema balun hakarak hafahe lider istóriku sira no ita fiar katak lider istóriku sira sei la fahe malu mezmu sira iha deferénsia ideolojia polítika iha Estadu Direitu Demokrátiku.”

Entretantu Abílio husu ba lider istóriku sira tenke hamutuk nafatin mezmu ida-idak ho nia partidu rasik, maibé objetivu mak hadi’a povu nia moris no dezenvolve nasaun Timor-Leste.

Ba sidadaun hotu iha direitu atu hili nia partidu polítiku, maibé konxiente nafatin hodi kontribui ba estabilidade nasionál.

“Ha’u prontu apoia festa demokrasia, enkuantu partidu ne’ebé mak manan, espera katak sei hamosu governu inkluzaun no unidade nasionál liuliu atu halibur lider istóriku sira.”


Jornalista: Zezito Silva | Editór: Manuel Pinto

Imajen: Eis-Prezidente Partidu Fretilín, Abílio Araujo (kazaku metan) tuur ho Primeiru Ministru, Mari Alkatiri iha Palásiu Governu, ohin. FOTO GPM
Aban, Jogadór Estranjeiru To’o Dili Atu Haforsa Cacusan CF

Aban, Jogadór Estranjeiru To’o Dili Atu Haforsa Cacusan CF

DILI, (TATOLI) – Jogadór estranjeiru na’in tolu hosi Indonézia sei to’o ho aviaun Sriwijaya iha aban (kinta) meiudia atu haforsa ekipa Primeira Divizaun iha Liga Futeból Amadora (LFA), Cacusan CF.

Tuir informasaun ne’ebé Ajénsia Tatoli asesu hosi treinadór Cacusan CF, Vasco Fernandes, via telefónema kuarta ne’e katak jestoriál Cacusan kontratu jogadór hirak ne’e tanba iha ambisaun atu sai kampiaun ba LFA époka 2018, maibé rejeita fó informasaun kona-ba valór orsamentu ne’ebé uza hodi kontrata jogadór sira ne’e tanba segredu.

Jogadór hira ne’e maka hanesan (1) Muhammad Alfin Zulkarnain “Febrian” (19),  antes ne’e joga iha PS. Bandung ho númeru kamizola 13, pozisaun avansadu.  (2) Rivaldi Dwi Kurniawan “Ivan” (19), joga iha PS. Bandung ho númeru kamizoa 37, pozisaun defeza sentrál. (3) Dani Ardianto “Dani” (19), joga iha PS. Bandung ho númeru kamizola 2, pozisaun médiu volante/defeza sentrál.

Treinadór Vasco optimista katak ho prezensa jogadór estranjeiru na’in tolu ne’e sei hasa’e kualidade jogu Cacusan nian no iha espetativa atu sai kampiaun LFA.

Jornalista: Xisto Freitas | Editora: Rita Almeida

quarta-feira, 21 de fevereiro de 2018

KAK Konsege Finaliza Kazu Korupsaun 24

KAK Konsege Finaliza Kazu Korupsaun 24

DILI – Komisaun Anti Korupsaun (KAK), konsege finaliza ona kazu korupsaun hamutuk 24, neebe maioria krimi pekulatu, krimi partisipasaun ekonomia I negosiu, abuzu poder no krimi fraude fisikal.

Komisariu KAK Aderito Tilman hateten, Ohin mai Hasoru PM atu Primeiru Ministru atu informa situasaun kriminalidade liu liu kazu korupsaun, neebe KAK investiga durante tinan 2017 neebe hetan delegasaun kompetente husi Ministeiru Publik, hamutuk kazu rua nuluh resin walu.

Neebe to trinta un de Janeiru KAK konsege finalize kazu korupsaun hamutuk rua nuluh resin haat, husi kazu rua nuluh resin haat nee maioria krimi pekulatu, krimi partisipasaun ekonomia I negosiu, krimi abuzu poder, no krimi balu fraude fisikal, Portantu husi kazu rua nuluh resin walu nee Estadu hetan prezuizu satu koma lima juta U$ dolar.

“Husi kazu rua nuluh resin walu nee Estadu hetan prezuizu satu koma lima juta U$ dolar, laos hanesan ita boot sira hare iha media social FB dehan biliaun ida nee lae, atu klarifika deit un pontu sinku Miliau,” dehan Komisariu KAK Aderito, ba jornalista sira hanoin remata inkontru ho PM, iha Palasiu Governu, Kuarta (21/02/2018).

Entretantu responde konaba KAK hatun ona despaisu ba investigador atu investiga Ministru Turismu nia Vise neebe maka legalija jogus kasinu, Komisariu KAK Aderito hateten, nee seidauk halo investigasaun, KAK sei halo hela abrigasaun, iha inisiu krimi maka foin halo investigasaun.

Iha fatin hanesan lidferansa 1974-1975 Abilio de Araujo hateten tenke fo kondisaun ba KAK, para nunee bele kombate korupsaun, maibe tenke halo prgrama prevene korupsaun. Nia dehan, Sai koruptor nee labele iha lei ida ke favorese konaba lei imunidade nee labele iha.

Entretantu eis deputadu Riak leman sujere ba KAK atu matan moris neon nain lansa ninia ema sira nee para atu kontrola se-se maka nauk, aprezenta ba Ministeiru Publik fo mandadu para kaptura sira. 

Carme Ximenes/Maria Lay | Suara Timor Lorosae
Espoza PR Cidalia Guterres Hasoru PM

Espoza PR Cidalia Guterres Hasoru PM

DILI - Espoza Prezidente da Republika Cidalia Nobre Guterres, hasoru malu ho Primeiru Ministru Mari Alkatiri, iha palasiu governu.

Objeitvu husi hasoru malu nee maka atu informa aktividade, neebe maka inan ba nasaun Timor leste nee halo durante nee.

Hafoin remata inkontru ho Primeiru Ministru Mari Alkatiri, espoza PR Cidalia Nobre Guterres ba jornalista sira katak, objetivu husi vizita nee atu mai informa aktividade neebe maka halo durante nee, nunee mos atu informa katak embaixada Cina fo apoia ba iha gabinete konzus nian atu halo klinika balu iha Atauro.

“Ita hatene katak ita nia sistema buat hotu hotu iha governu nia liman, tanba nee nudar xefi du governu ami tenke mai informa hela ba PM, depois hato ona mos ba iha vise MS,” espoza PR Cidalia ba jornalista sira iha palasiu governu, Kuarta (21/02/2018).

Inan ba nasaun Timor Leste nee haktuir tan katak, iha tempu badak sei hasoru malu ho embaixadora Cina, relasiona ho pedidu neebe Cina haruka mai atu halo inkontru no mos fo doasaun ba gabinete konzus nian atu halo aktividade ida maka nee, no mos asaun karidade neebe maka halo dadauk nee.

Portantu inkontru entre espoza Prezidente Republika Cidalia Nobre Guterres, ho Primeru Ministru Mari Alkatiri halao durante oras ida nia laran, hahu iha tuku 10:40 no remata iha tuku 11:40 OTL. 

Carme Ximenes/Maria lay | Suara Timor Lorosae
AMP-Fretilin Kontinua Optimis Manan EA

AMP-Fretilin Kontinua Optimis Manan EA


DILI – Eleisaun Antisipada (EA) partidu Aliansa Mudansa ba Progresu no partidu Fretilin kontinua optimista manan, tanba povu sei fo komfiansa ba sira.

Lia hirak nee hatoo husi Deputadu Bankada CNRT Natalino dos Santos katak, AMP sei partisipa iha EA atu hodi responde ba impase politika neebe mak lao durante nee. Nia konsidera so AMP mak bele rezolve impase politika neebe mak lao iha rai laran.

“Rezultadu povu sei fo, tanba haree ba maun boot Xanana no maun Taur inklui maun Naimori, tanba nee povu haree ba maun boot sira veteranus sira iha teritoriu laran,” katak Natalino ba jornalista Kuarta (21/02/2018) iha PN.

Karik AMP manan maioria simples iha EA Natalino dehan, agora deit AMP nia kadeira 35 ona, oinsa mak atu manan maioria simples, maibe agora  nee buka para atu bele manan maioria kualifikada, tanba agora deit AMP maioria absoluta.

Entretantu Deputadu husi Bankada Fretilin Aurelio Freitas hatete, predisaun ba EA agora partidu hotu iha esperansa boot ba  atu bele manan, neebe Fretilin mos fiar aan  katak EA sei manan. Tanba Fretilin sei lori programa neebe povu nian neebe diak hodi fo  ba povu nian atu nunee povu fo fiar.

Aleinde nee informasaun neebe jornalista rekolla iha terenu katak, Eleisaun Antisipada iha partidu 3 neebe sei kompete makas, hanesan Fretilin, AMP inklui PD, oras  nee dadaun mos militante sira husi partidu  barak, afilia ba mai husi partidu ida ba partidu seluk. maibe rezultadu eleisaun sei hein iha 12  de Maiu  povu sei deside se mak atu ba ukun.

Guilhermina Franco | Suara Timor Lorosae
Fronteira Marítima Kestaun Nasionál, Labele Partidariza

Fronteira Marítima Kestaun Nasionál, Labele Partidariza


DILI, (TATOLI) - Xefe Estadu Maiór FALINTIL-Forsa Defeza Timor-Leste (F-FDTL), Major Jenerál Leste Anan Timur konsidera katak asuntu Fronteira Marítima ne’e kestaun nasionál, tanba ne’e labele partidariza.

“Sentimentu laiha no oportunista maka partidariza asuntu nasionál. Uluk ami halo funu hodi manán independénsia ne’e la’ós ba ami de’it. Se ami hakarak ida ne’e, ema ida sei la ba tuur iha Governu. Husik ami de’it maka iha ne’ebá, maibé la’ós ida ne’e maka ami hakarak,”  Lere hato’o asuntu ne’e ba jornalista sira iha Palásiu Prezidente Nicolau Lobato, Bairru Pité, Dili, kuarta ne’e, bainhira hatán polémika kona-ba iha indísiu grupu balun partidariza asuntu Fronteira Marítima.

Nia esplika katak Fronteira Marítima ne’e povu Timor ninian no lider Xanana Gusmão ne’ebé ba trata Fronteira Marítima ne’e hanesan líder nasionál, la’ós lider partidu.

“Só ema la normal ka ema alfabetu de’it maka bele fiar bainhira partidu ruma rekere iha kampaña katak asuntu Fronteira Marítima ne’e hola parte ba sira nia susesu,” Lere realsa.

Tuir nia katak povu ne’ebé matenek sei la fiar propaganda ida ne’e tanba asuntu refere (Fronteira Marítima) ne’e povu Timor tomak nian.

“Serteza katak prosesu ida ne’e ema ida maka lidera, maibé la signifika katak pertense ba ema ida, grupu ida no partidu ida maibé pertense ba timoroan tomak,” nia subliña.

Jornalista: Xisto Freitas | Editór: Manuel Pinto

Imkajen: Xefe Estadu Maiór FALINTIL-Forsa Defeza Timor-Leste (F-FDTL), Major Jenerál Leste Anan Timur
Veteranu Sira Austrália Sei Partisipa Loron Nasionál Veteranu Sira TL

Veteranu Sira Austrália Sei Partisipa Loron Nasionál Veteranu Sira TL


DILI, (TATOLI) – Loron Nasionál veteranu sira Timor-Leste sei selebra iha 3 marsu no sei partisipa hosi militár reformadu hosi nasaun viziñu Austrália.

“Ami mai informa preparasaun ba komemorasaun loron nasionál veteranu sira nian ne’ebé sei monu iha 3 Marsu ba Primeiru-Ministru, Marí Alkatiri, no sei hetan prezensa hosi veteranu sira Austrália nian”, Ministra Solidariedade no Sosiál, Florentina Smith, ba jornalista sira hafoin hasoru malu ho Xefe Governu iha Palásiu Governu, kuarta (21/2).

Loron komemorativu ne’e iha programa importante mak oinsá atu fó hanoin hikas fila fali sakrifísiu veteranu sira nian iha luta libertasaun nasionál tanba ne’e 3 marsu deside ona sai loron nasionál veteranu sira nian no programa tuir mai sei iha semináriu ida.

“Ami ohin konsulta ona Xefe Governu, Marí Alkatiri, no nia aseita ona hosi programa hirak ne’ebé ami hato’o”, dehan nia.

Selebrasaun loron nasionál veteranu sei hala’o iha Sentru Konvensaun Díli (CCD-sigla portugés) no sei halo atividade prinsipál mak sei halo lansamentu ba asinatura plaka.
Tema hosi komemorasaun loron nasionál veteranu sira nian mak “Komemorasaun Loron Nasionál Veteranu sira” tópiku ne’e la halo únika tanba foku de’it ba loron selebrasaun 3 marsu.

Sei marka prezensa iha selebrasaun ne’e mak sei konvida reprezentante balun veteranu sira iha Timor-Leste laran tomak, membru governu, membru parlamentu no entidade sira seluk.

Jornalista: Zezito Silva | Editora: Rita Almeida

Imajen: Ministra Solidaridade no Sosiál, Florentina Smith ho Sekretáriu Estadu asuntu Veteranu Sira, Andre da Costa Belo L4, hasoru Primeiru-Ministru, Marí Alkatiri, iha Palásiu Governu, ohin. Foto GPM/Samuel Soares
Eis Membru Governu CNRT Antrian Iha KAK, Prosesu Investigasaun Lao Hela

Eis Membru Governu CNRT Antrian Iha KAK, Prosesu Investigasaun Lao Hela

DILI - Eis membru governu iha governasaun CNRT lubuk ida ba antrian ona iha KAK, hodi presta sira nia deklarasaun.

Komisariu KAK Aderito Tilman hateten, Prosesu investigasaun lao hela ba ema hira nee, maibe KAK labele publika sai, tanba tuir kodeku penal buat ida nee segredu justisa.

Hau labele publika ema se maka ami rona ona, tanba nee tuir ita nia kodeku penal, buat ida segredu justisa neebe hau labelepublika se nia naran, maibe prosesu investigasaun lao hela,” dehan Komisariu Aderito, ba jornalista sira, iha UNTL, Hera, Dili, Tersa (20/02/2018).

Nia dehan, Iha kazu lubuk ida maka espera semana ida rua tan KAK bele finalija, portantu servisu iha KAK lao hanesan bain bain, so ke KAK labele publika iha media, tanba servisu KAK nian nee nakonu ho segredu.

Iha fatin hanesan Reitor UNTL Francisco Miguel Martins hateten, nee evidensia ida presiza hatene deklarasun KAK, nunee kazu kazu sira neebe irregular sira neebe ema hotu iha responsabilidade ba kaer orsamentu povu nian, kaer ho kuidadu, atu nunee bele ivita iregularidade neebe povu lagosta.

Carme Ximenes/Maria lay | Suara Timor Lorosae
ADB Rekomenda ba Governu Atu Redus Pobreja

ADB Rekomenda ba Governu Atu Redus Pobreja


DILI - Asia Development Bank (ADB) husu ba governu Timor Leste atu kria politika fiskal neebe diak atu hamenus bobreja. Dalan seluk mak governu tenki haburas nafatin programa sira neebe lao ona atu hamenus familia kiak.

Lia fuan hirak nee hatoo husi Cantry Economic ADB David Freedmon ba jornalista sira liu husi seminar loron ida neebe ho tema “Politika ba hamenus kiak no dezigualidade iha Timor Leste” neebe halao iha Ausla Ministeiru Finansa Aitarak-Laran Dili Tersa, (20/2/2018).

“Agora governu atu hamenus bobreza no dezigualidade liu husi dalan rua. Ida mak krisementu ekonomia Timor Leste sae laos husi mina. Maibe moos oinsa fo kampo servisu ba ema sira atu hasae rendementu familiar,” dehan David.

Tuir rejultadu peskiza husi governu nian hatudu katak, uma kain masmenus 40% mak hela iha linha bobreja nia okos. Depois aplika ba politika nasional menus oituan sein maismenus 30%. Maibe kuadu governu laiha politika fiskal neebe diak maka beele aumenta ba pursentu 50 resin hanesan nee.

Iha tempu hanesan Ministru Planu no Finansas Rui A. Gomes iha nia diskursu hateten governu liu husi ministeiru planu no finansa iha responsabilidade atu guia linha ministeiru sira atu asegura katak programa no orsamentu proteje Timor oan, sira neebe vuneravel liu. Liu husi invensoens fiskal neebe efetivu no sustentavel.

Justinho Manuel | Suara Timor Lorosae
Embaixadora EUA Ko’alia Kooperasaun Nasaun Rua ho Xefe Estadu

Embaixadora EUA Ko’alia Kooperasaun Nasaun Rua ho Xefe Estadu


DILI, (TATOLI) — Embaixadora Estadus Unidus Amerika (EUA), Kathleen M. Fitzpatrick, hala’o reniuan dahuluk ho Prezidente Repúblika, Francisco Guterres Lú Olo, dezde hahú nia kna’ar iha Timor Leste, 17 Janeiru liuba.

Kathleen M. Fitzpatrick senti kontenti no onrada, hala’o reniuan ho Xefe-de-Estadu hodi ko’alia kona-ba kooperasaun oi-oin entre Timor-Leste no Estadus Unidus Amerika ne’ebé la’o ona iha tempu naruk.

“EUA apoiu ona Timor-Leste molok Timor-Leste hetan nia independénsia to’o agora. Sei fó nafatin nia apoiu liuhusi serbisu sira hanesan Peace corps, USAID, Forsa Naval no prezensa hosi ajénsia oi-oin Estadus Unidus nian iha Timor-Leste,” Kathleen dehan asuntu ne’e ba jornalista sira iha Palásiu Prezidente Nicolau Lobato, Bairru Pité, Dili, tersa ne’e.

Embaixadora ne’e mós relata ba Xefe Estadu kona-ba vizita Konsellu Administrasaun programa Governu Estadus Unidus, Millennium Challenge Corporation (MCC), ne’ebé halo ona parseria ho Timor-Leste liuhusi programa Compact MCC.

Programa ne’e rasik nia objetivu maka atu estimula kresimentu ekonómiku no hamenus ki’ak.

Jornalista: Xisto Freitas | Editór: Manuel Pinto

Imajen: Embaixadora Estadus Unidus Amerika (EUA), Kathleen M. Fitzpatrick, hala’o reniuan dahuluk ho Prezidente Repúblika, Francisco Guterres Lú Olo. Imajen Mídia Palásiu PR.
Hakarak Hahán Lokál, Koko Reseita Cesar Gaio

Hakarak Hahán Lokál, Koko Reseita Cesar Gaio


DILI, (TATOLI) – Dadaun ne’e kuaze ema lubun eskolla mak fast food (comida rápida) tanba lais no baratu duke tein rasik, satan prepara hahán lokál, Maubere nian.

Atu hatan ba sira ne’ebé hadomi produtu lokál no hakarak saudavel, koko reseita Cesar Trinito Freitas Gaio, tanba nia ho negósiu movel naran Food Truck (kamioneta ho hahán).

“Inísiu 2014 halo peskiza ida oinsá atu promove hahán Timór. Se ita loke restaurante de’it ema ladún bá entaun koko restaurante movel”, haktuir Baukau oan ne’e ba Tatoli iha kampu Sekretáriu Estadu Desportu ba Alta Kompetisaun (uluk SEDJ), Sionál foin lalais ne’e.

Nu’udar privadu ne’ebé gosta tein bainhira halo aventura hamutuk ho nia kolega sira kuandu sa’e no tun foho, fatin ne’ebé sira bá, mane ne’ebé moris iha rai Kelikai ne’e sempre tein no fornese hahán ba nia kolega sira, nune’e nia amigu sira ne’ebé la’o hamutuk rekomenda loke restaurante.

Hahú iha loron 7 fulan-maiu 2015, retaurante movel loke ba dahuluk nian iha jardin 5 de Maiu, maibé iha limitasaun orsamentu no buat barak tanba iha momentu ne’e restaurant movel ida ne’e tenke gasta enerjia tanba hasa’e sasán hanesan bikan, kanuru, gás, sanan, depois hatún fali.

“Ami tein to’o kalan boot, ami hasa’e fali ba karreta depois tula fali bá uma, dalaruma sasán balun lakon. Iha esperiénsia sasán lakon dalaruma sana-matan monu hela, entaun ha’u komesa hanoin mobile kitchen (tein movel) ne’e karik ha’u bele dezenvolve tan”.

Nune’e halo fali tan peskiza ida bainhira sai manán-na’in ba kompetisaun Planu Negósiu Inovadora ne’ebé kada tinan realiza husi Institutu Apoiu ba Dezenvolvimentu Emprezariál (IADE) iha 2015 liuhusi nia ideia foun ne’e mak halo negósiu Dapur Movel ho prémiu osan natoon ne’ebé hetan bele ajuda hodi dezenvolve karreta, maibé momentu atu dezenvolve, mosu tan oportunidade ida husi embaixada Nova Zelándia atu aprende kona-ba Jestaun Ospitalidade entaun presiza aprende tan lai.

“Ha’u aprende buat barak entaun ha’u komesa estuda no peskiza tan fali, afinál food truck di’ak liu duké dapur movel, ita preokupadu liu. Ha’u komesa halo konseitu, ha’u to’o mai iha Timór kontaktu kolega timoroan, buka ema sira ne’ebé mak konstrui karreta ne’e no hetan rekomendasaun husi kolega timoroan”.

Tuir dezeñu ne’ebé halo ona maka Cesar ne’ebé hetan tulun husi timoroan sira ne’e modifika nia karreta movel ne’e sai food truck no operasaun karreta ne’e di’ak no iha laran gás tein nian, iha security awareness (seguransa hosi konsiénsia).

Entaun seguransa ba uza gás tein tau iha laran fire extinguisher (hamate ahi) ne’e oinsá ahi ruma mosu iha dapur laran bele hamate lalais, entaun iha karreta ne’e sistemátika tebes no uza de’it painel solar (enerjia hosi loro-matan) atu dada ahi.

“Entaun mobile food truck (hahán movel ho kamioneta) ami-nian ida agora ne’e sai hanesan inspirasaun ou motivasaun foun ba kolega klosan sira no ha’u rekomeda ba kolega klosan sira hakarak halo negósiu hakbesik án ba IADE tanba IADE fó oportunidade lubuk ida”.

Husi restaurante movel ba food truck (kamioneta ho hahan) ida ne’e iha dezafiu barak, maibé prinsipál mak distribuisaun ba produtu lokál laiha, nune’e tenta atu hetan distribuidór di’ak ho tomate ne’ebé iha kualidade, na’an-manu dalaruma kualidade laiha no tenke bá hola iha merkadu no lahatene moras ka la’e, maibé tanba hakarak promove produtu lokál tenke hola.

“Na’an karau iha ona butcher (profisionál ne’ebé oho animál/matadouro), maibé na’an-bibi nia fornesedór laiha, piór liu fahi karun liu entaun fahi no manu ami oho rasik, prosesu tomak ami halo hotu. Produtu ne’ebé ami fa’an iha restaurante no food truck no ami-nia catering (prepara hahán) porsentu 99 produtu lokál karik porsentu ida mak produtu importadu hanesan tua-siin”.

Maibé temperus lokál hotu, komesa husi masin, pimenta, ho razaun ida ne’e mak dezafiu kontinua ba presu hahán nian.

“Bainhira ami tau iha nível médiu sira dehan hahán karun liu. Presu entre dólar ida to’o hitu, kolega timoroan barak dehan hatún presu uitoan, ha’u dehan iha restaurante barak ne’e fó opsaun ba hahán ne’ebé ho presu dólar tolu mai kraik, ami fó opsaun foun labele hatún folin tanba ne’e ami labele manán”.

Mezmu komprende katak tende tuir konsumidór nia hakarak maibé mós hanesan timoroan iha responsabilidade atu hasae awareness of quality food (konsénsia hosi kualidade hahán), hahán ida halo kualidade, se hahán balun ne’ebé mak ho de’it jeladu, rai kleur ne’e folin oin seluk.

“Ami-nia hahán, na’an, modo tahan no buat hotu fresku entaun ami tenke fa’an ho folin hanesan ne’e, hanesan mós restaurante balun ne’ebé ho folin dólar hitu ba leten”, haktuir.


Konsumidór ba food truck (kamioneta ho hahán) agora ne’e husi ema rai-liur no lokál. Empreza Dilicious Timor ne’e mós prepara hahán ba edifísiu sira hanesan embaixada Amérika, fulan ida dalaida ba happy our (ami nian ksolok) nian, no semana ida dalaida tuir sira-nia enkomenda.

Estudante Universidade Dili ne’e hatete tenke buka negósiu rasik hodi kria oportunidade ba án rasik, tanba la’ós ema hotu tenke serbisu iha edifísiu sira no liga ba kampu traballu maski joven barak mak remata ona estudu labele hetan oportunidade atu serbisu tanba postu traballu limitadu.

“Joven sira ne’ebé hotu iha universidade, barak mak remata iha sekundária, saida mak sai hanesan dezafiu mak inan-aman balun kuda mentalidade iha labarik sira katak eskola hotu tenke serbisu iha edifísiu tanba inan-aman sira serbisu toos ne’ebé sira hakarak oan sira serbisu iha kantor (eskritóriu). Tuir ha’u nia hanoin ne’e konseitu sala. Tanba ha’u esperiénsia serbisu kantor tinan 10. Kantor ne’e di’ak mas atu kria ita-nia kreatividade, ita ida-idak mak buka ita-nia identidade tanba edifísiu ne’e ita hein instrusaun, maibé harii ita-nia mehi ne’e mak difísil”.

Nune’e Cesar buka nia identidade liuhusi tein no daudaun fó ona serbisu ba ema na’in-lima no iha hanoin atu hasa’e tan servisu nain nomós iha traballadór parte tempu husi estudante finalista balun hosi Universidade Nasionál Timor Lorosa’e, Universidade ba Pás no Universidade Dili ne’ebé halo atividade prepara hahán nian.

Nia hatutan menú husi empreza ki’ik ida ne’e mak hahán lokál enkaixa nafatin hahán hanesan akar loroloron no komesa dezenvole kulu ba croquete (boliñu ho forma kreme), halo trigu no dezenvolve neineik tanba presiza ekipa forte atu harii mehi ida ne’e.

“Ha’u ema ida ne’ebé iha paixaun aas kona-ba produtu lokál, ha’u lori akar tuir ha’u-nia án to’o Europa, kuandu ha’u hasoru kolega ha’u sempre tein akar. Bainhira ha’u bá Austrália ha’u sempre promove hahán Timór no ha’u vizita Wild Coffee Timor, ko’alia ho sira no agora ha’u lóbi hela sira para lori mana Carlota husi ETDA para enkaixa menú Timor ida rua iha sira-nia restaurante”.

Aleinde promove mós iha país Ázia bainhira vizita ba kolega sira no tein iha sira-nia uma.

“Iha Timór ha’u promove iha fatin barak, Baukau, Manatutu, ha’u tein to’o merkadu Taibesi no agora GMN fó oportunidade ha’u tein iha programa Sabor a Timor”.

Ko’alia kona-ba sabór Timór nian ne’e inklui hanesan ai-manas ai-leten. “Kuandu Timór tenke indéntiku, se ha’u temi lis-mean no mutin ne’e ema hotu uza, maibé ai-manas ai-leten karik iha Timór ema ida-rua mak uza, depois akar ne’e ha’u deskobre katak ema Índia, Srilanka, Indonézia-Papua no fatin balun hanesan Vietname, sira mós uza, maibé ladún”.

Ingrediente sira ne’ebé estrañu dezenvolve iha restaurante Dilicious Timor, ezemplu ba kulu ne’e halo peskiza to’o Zamaika tanba sira mak halo dezenvolvimentu hahán kulu barak, nune’e mós Samoa no Fiji.

“Entaun iha Dilicious Timor dezenvolve hahán sira ne’ebé ho baze Ázia nomós Pasífiku no identidade ita-nia hahú husi ne’ebá”.

Tanba gosta promove hahán lokál no gosta tein, Cesar hatete la’ós feto ka mane mak tenke tein maibé hanesan.

“Nu’udar mane ha’u tein, ha’u lasente moe, ha’u gosta halimar, dansa, gosta badiu. Buat ne’ebé mane halo, ha’u halo, buat ne’ebé feto halo ha’u mós halo signifika ha’u ema moris, ha’u hamlaha presiza tein entaun bainhira tein kolega sira rekomenda no ha’u sempre ajuda ema no hanorin. Hatudu imajen katak mane mós tein, ne’e para ema labele hatete katak Timór ne’e feto de’it mak tama dapur”.

Jornalista: Maria Auxiliadora | Editora: Rita Almeida

Imajen: 1 - Cesar, timoroan ne'ebe gosta promove hahán lokál. Foto/FB Dilicious Timor; 2 – Food Truck
Governo timorense reitera apoio a Xanana Gusmão em negociações sobre Greater Sunrise

Governo timorense reitera apoio a Xanana Gusmão em negociações sobre Greater Sunrise


Díli, 20 fev (Lusa) - O primeiro-ministro timorense, Mari Alkatiri, e o ministro de Estado José Ramos-Horta reiteraram hoje a sua confiança e do Governo em Xanana Gusmão, que está a negociar com Camberra e petrolíferas o desenvolvimento do projeto Greater Sunrise.

Os comentários dos dois líderes timorenses surgem numa altura em que a delegação de Timor-Leste, liderada pelo ex-Presidente Xanana Gusmão e pelo ministro de Estado Agio Pereira, está reunida em Kuala Lumpur com delegações da Austrália e das petrolíferas que controlam o Greater Sunrise.

"Tenho mantido algum contacto com o ministro Agio Pereira. Ainda não há informações substanciais. Mas já disse claramente e repito que como pessoa e como primeiro-ministro defendo o pipeline [gasoduto] para Timor-Leste", disse à Lusa Mari Alkatiri.

Também o ministro de Estado José Ramos-Horta reiterou o apoio total a Xanana Gusmão, considerando "possível" um acordo sobre o desenvolvimento dos poços de Greater Sunrise, essenciais para o futuro de Timor-Leste.

"O Governo tem confiança absoluta no negociador chefe Xanana Gusmão. Qualquer arranjo que ele veja que é o mais realista e vantajoso para ambas as partes, o Governo apoiará e endossará", afirmou à Lusa.

As reuniões na Malásia são as últimas antes do fim do trabalho de uma Comissão de Conciliação solicitada por Timor-Leste no âmbito da Convenção das Nações Unidas sobre a Lei do Mar (conhecida pela sigla UNCLOS).

Díli e Camberra conseguiram já, através da mediação dessa comissão, alcançar um acordo histórico para um tratado de delimitação de fronteiras marítimas, que vai ser assinado a 06 de março em Nova Iorque, na presença do secretário-geral da ONU, António Guterres.

Falta, porém, um acordo sobre o desenvolvimento dos poços de Greater Sunrise.

Em cima da mesa estão três potenciais cenários, a de uma exploração flutuante, defendida pelas petrolíferas que têm a concessão do Greater Sunrise - Woodside, ConocoPhillips, Royal Dutch Shell e Osaka Gas -, a ligação ao gasoduto já existente que liga outros poços no Mar de Timor a Darwin (norte da Austrália) ou a ligação por gasoduto ao sul de Timor-Leste.

A decisão determinará a partilha de receitas do recurso, com Timor-Leste a receber 70% se o gasoduto vier para território timorense e 80% se for para Darwin, segundo fonte conhecedora das negociações.

Tanto Alkatiri como Ramos-Horta se mostram preocupados com o que dizem ser a tentativa de politizar um assunto que afirmam ser de Estado, mas que está a marcar a pré-campanha para as eleições parlamentares de 12 de maio.

As redes sociais, incluindo páginas oficiais dos partidos da oposição, têm atacado Alkatiri pelas negociações dos anteriores acordos sobre a Austrália, acusando o líder do Governo de não apoiar a opção do gasoduto para Timor-Leste.

"É demasiada politização. Quem está a negociar negoceia em nome do Estado e não do partido, mas há quem queira partidarizar a questão", afirmou Alkatiri.

Já Ramos-Horta defendeu que "não se deve politizar".

"O Governo não quer politizar. Está a apoiar 100% Xanana Gusmão nesta tarefa delicada e complexa. E aí não pode haver qualquer fragilidade por trás. Desde o início, o Governo e o doutor Mari Alkatiri têm apoiado fortemente tudo o que Xanana Gusmão acha que deve fazer, pode fazer, até onde pode ir", considerou Ramos-Horta.

Os dois líderes falaram à margem de um debate com a sociedade civil sobre a política de segurança nacional, que ambos definem "deve ter uma visão mais global" e na qual a questão do acordo de fronteiras terá um impacto.

"Se tudo correr como previsto no dia 06 de março é a assinatura da fronteira marítima com a Austrália. Depois ficam por concluir apenas as negociações de fronteira terrestre e marítima com a Indonésia e isso significa que a nossa fronteira aumenta. É uma linha não de defesa, mas para usar para a paz, para a estabilidade e para o desenvolvimento, uma ligação. Uma linha de ligação com o vizinho para a cooperação internacional. É uma visão de segurança mais global", explicou Alkatiri.

Ramos-Horta disse que se Xanana Gusmão quiser liderar essas negociações com a Indonésia, quando terminarem as negociações com a Austrália, "terá todo o apoio do Governo", relembrando que só o Greater Sunrise dá benefícios ao país.

"Há fronteiras marítimas, mas isso não tem benefícios imediatos para o sul de Timor. Os benefícios virão com o desenvolvimento do Greater Sunrise. E é nisso que Xanana Gusmão continua a trabalhar. Conta com todo o nosso apoio e confiança a 100%, incluindo todo o apoio com as despesas de toda a equipa negocial", acrescentou Ramos-Horta.

ASP // SR